actress athiya shetty announces pregnancy with husband kl rahul
बॉलिवूड अभिनेत्री अथिया शेट्टी आणि क्रिकेटपटू केएल राहुल लवकरच आई- बाबा होणार आहेत. या जोडप्याच्या घरी येत्या २०२५ या वर्षात चिमुकल्याचं आगमन होणार आहे. अथियाने इन्स्टाग्रामवर पोस्ट शेअर करत ही ‘गोड बातमी’ चाहत्यांना दिली आहे. अथियाने तिच्या वाढदिवसानंतर तीन दिवसांनी ही आनंदाची बातमी चाहत्यांना दिली आहे.
काही तासांपूर्वीच आथियाने एक इन्स्टाग्राम पोस्ट शेअर करत चाहत्यांना गोड बातमी शेअर केली आहे. शेअर केलेल्या पोस्टमध्ये अभिनेत्री म्हणते, “आमचा सर्वात सुंदर आशीर्वाद २०२५ मध्ये येणार आहे…” असं सुंदर कॅप्शन अभिनेत्रीने दिले आहे. पोस्ट शेअर करताना अभिनेत्री हृदयांचं सिम्बॉलही दिलेलं आहे. लग्नाला दोन वर्षे पूर्ण होण्याआधीच आथिया- राहुलने सोशल मीडियावर आनंदाची बातमी शेअर केली आहे.
अथिया शेट्टी आणि केएल राहुल गेल्या अनेक वर्षांपासून दोघेही एकमेकांना डेट करत होते. डेटिंग केल्यानंतर काही वर्षांतच त्यांनी आपल्या नात्याला नवा टॅग देण्याचा निर्णय घेतला. आथिया आणि राहुलने दोन वर्षांपूर्वी म्हणजेच, २३ जानेवारी २०२३ रोजी लग्नगाठ बांधली. या कपलचं लग्न सुनील शेट्टीच्या खंडाळ्यातील फार्म हाऊसवर पार पडलं होतं. या लग्नाला फक्त दोघांचेही कुटुंबीय आणि क्रिकेटविश्वातील शिवाय फिल्म सिनेइंडस्ट्रीतीलही काही मोजकेच लोकं उपस्थित होते.
.png "Videos"){kind=small}
