(फोटो सौजन्य - इन्स्टाग्राम)
या सिरीजचे लेखन गौरव देसाई, राघव दार, चिंतन सरडा आणि करण अंशुमन यांनी केले आहे. दिग्दर्शन राघव दार यांनी केले आहे. ‘अंधेरा’ ही एक अनोखी सिरीज आहे जी तपास आणि अतर्क्य घटकांचा विलक्षण संगम सादर करते आणि प्रेक्षकांना एक वेगळा, सिनेमॅटिक अनुभव देण्याचं वचन देते.
‘अंधेरा’ या वेब सिरीजची कथा तुम्हाला फक्त घाबरवणार नाही तर अस्वस्थही करेल’
वेब सिरीजचे निर्माते गौरव देसाई या मालिकेबद्दल म्हणाले , ‘अंधेरा बनवणे हा माझ्यासाठी सर्वात चांगला आणि आनंदी अनुभव होता. मला नेहमीच भयपट आणि भितीदायक कथांमध्ये रस आहे, म्हणून शेवटी त्यात काहीतरी करण्याची संधी मिळणे हे माझ्यासाठी स्वप्न सत्यात उतरवण्यासारखे आहे. सुरुवातीपासूनच, आमचे उद्दिष्ट फक्त घाबरवणे नव्हते, तर अशी कथा बनवणे होते जी ती पाहिल्यानंतरही तुमच्या मनात राहील, ज्यामुळे तुम्हाला आतून थोडी अस्वस्थता जाणवेल. खरी अडचण अशी होती की अशी भीती पूर्णपणे खरी आणि खोलवर कैद करणे आणि ती पडद्यावर आणताना, कथेचा आत्मा देखील राखणे. ‘अंधेरा’ मधील सर्वात महत्वाची गोष्ट म्हणजे कथा स्वतः. भीती, ट्विस्ट आणि हळूहळू उघड होणारे रहस्ये – हेच प्रेक्षकांना गुंतवून ठेवतील.’ असे त्यांनी म्हटले आहे.
‘अंधेरा’ वेब सिरीज ओटीटीवर कधी प्रदर्शित होणार?
‘अंधेरा’चा जागतिक प्रीमियर होणार आहे. म्हणजेच, भारतासह जगातील २४० हून अधिक देशांमध्ये ती एकाच वेळी प्रदर्शित होईल. प्राइम व्हिडिओने जाहीर केले आहे की ही वेब सिरीज या महिन्यात १४ ऑगस्ट २०२५ पासून प्रसारित होणार आहे. या वेब सिरीजचे पोस्टर पाहून चाहते चकीत झाले आहेत. या मालिकेत प्रिया बापट, करणवीर मल्होत्रा, प्राजक्ता कोळी आणि सुरवीन चावला मुख्य भूमिकेत असून, त्यांच्यासोबत वत्सल सेठ, प्रवीण डबास आणि प्रणय पचौरी हे देखील महत्त्वाच्या भूमिकेत दिसणार आहेत. ‘अंधेरा’ची निर्मिती रितेश सिधवानी, फरहान अख्तर, कासिम जगमगिया, मोहित शाह आणि करण अंशुमन यांनी एक्सेल एंटरटेनमेंटच्या बॅनरखाली केली आहे. तर विशाल रामचंदानी हे सहयोगी निर्माते आहेत.
.png "Videos"){kind=small}
