अनिल कपूरने केली मोठी गुंतवणूक, मुलासोबत खरेदी केले ५ कोटींचे आलिशान अपार्टमेंट

बॉलीवूड अभिनेता अनिल कपूरने अलीकडेच त्यांच्या मुलासह वांद्रे पश्चिम येथे सुमारे ५ कोटी रुपयांचा फ्लॅट खरेदी केला आहे. या आलिशान अपार्टमेंटची चर्चा आता सोशल मीडियावर रंगली आहे.

(फोटो सौजन्य - इन्स्टाग्राम)

Follow Us:

Follow Us:

• अनिल कपूरने खरीदी केले आलिशान घर
• ५ कोटींचे आलिशान अपार्टमेंटमध्ये अभिनेत्याची गुंतवणूक
• मुंबईतील पॉश शहरात घेतले घर

बॉलीवूडचे ज्येष्ठ अभिनेते अनिल कपूर यांनी अलीकडेच प्रॉपर्टी मार्केटमध्ये मोठी गुंतवणूक केली आहे. स्क्वेअर यार्ड्सच्या वृत्तानुसार, अनिल कपूर यांनी त्यांचा मुलगा हर्षवर्धन कपूर यांच्यासोबत मुंबईतील पॉश भागात वांद्रे पश्चिम येथे सुमारे ५ कोटी रुपयांना एक आलिशान अपार्टमेंट खरेदी केले आहे. तसेच यावेळी अनिल कपूर यांच्या मोठ्या गुंतवणूकीमुळे ते चर्चेत आले आहे.

Reginald Carroll: अमेरिकन स्टँड-अप कॉमेडियनची गोळी घालून हत्या, ‘या’ प्रकरणात एका संशयिताला अटक

वांद्रे पश्चिमेचे प्रीमियम रिअल इस्टेट हब
वांद्रे पश्चिम हे मुंबईतील सर्वात महागडे आणि हाय-प्रोफाइल रिअल इस्टेट मार्केट मानले जाते. येथे आधुनिक अपार्टमेंट, ऐतिहासिक बंगले आणि व्यावसायिक जागा आहेत. म्हणूनच बॉलीवूड स्टार, बिझनेस टायकून आणि मोठे गुंतवणूकदार येथे येतात. हा परिसर वेस्टर्न एक्सप्रेस हायवे, वांद्रे रेल्वे स्टेशन आणि येणाऱ्या मेट्रो लाईन्सशी चांगला जोडलेला आहे. तसेच, बीकेसी, लोअर परेल आणि आंतरराष्ट्रीय विमानतळ जवळ आहेत.

अनिल-हर्षवर्धन यांचे नवीन घर
आयजीआर महाराष्ट्र वेबसाइटवर नोंदणीकृत कागदपत्रांनुसार, हे अपार्टमेंट द स्मोकी हिल सीएचएस लिमिटेड इमारतीत आहे. त्याचा बिल्ट-अप क्षेत्रफळ सुमारे १,१६५ चौरस फूट आहे आणि कार्पेट क्षेत्रफळ सुमारे ९७० चौरस फूट आहे. या करारात गॅरेज स्पेस देखील समाविष्ट आहे. मालमत्तेसाठी सुमारे ३० लाख रुपयांची स्टॅम्प ड्युटी आणि ३० हजार रुपयांची नोंदणी शुल्क देखील भरण्यात आली आहे.

‘Coolie’ आणि ‘War 2’ ने १२ व्या दिवशी केली एवढी कमाई? बॉक्स ऑफिसवर दोन्ही चित्रपटांची जबरदस्त टक्कर

अनिल कपूरची चित्रपट कारकीर्द
अनिल कपूरची चित्रपट कारकीर्द चार दशकांहून अधिक काळाची आहे. ‘मिस्टर इंडिया’, ‘राम लखन’, ‘तेजाब’ सारख्या चित्रपटांपासून ते स्लमडॉग मिलेनियर आणि मिशन इम्पॉसिबल – घोस्ट प्रोटोकॉल सारख्या आंतरराष्ट्रीय चित्रपटांपर्यंत, अभिनेत्याने नेहमीच प्रेक्षकांची मने जिंकली आहेत. अलीकडेच तो ‘वॉर २’ मध्ये दिसला आहे. त्याच वेळी, मुलगा हर्षवर्धन कपूरने २०१६ मध्ये ‘मिर्झिया’ द्वारे पदार्पण केले. त्यानंतर त्याने ‘भावेश जोशी सुपरहिरो’ आणि ‘थार’ सारख्या चित्रपटांमध्येही काम केले आहे.

Web Title: Anil kapoor harshvardhan buy luxury apartment bandra mumbai worth 5 crore

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com