‘आमचे कनेक्शन खूप…’ पाकिस्तानी अभिनेत्री हानिया आमिरसह डेटिंगच्या अफवांवर बादशाहने सोडले मौन!

बॉलिवूडचा प्रसिद्ध गायक बादशाह आणि पाकिस्तानी अभिनेत्री हानिया आमिरच्या डेटिंगच्या बातम्या अनेकदा व्हायरल होत असतात. दरम्यान, बादशाहने हानियाबाबत एक मोठा खुलासा केला आहे.

रॅपर आणि म्युझिक सेन्सेशन बादशाहचे नाव पाकिस्तानी अभिनेत्री हानिया आमिरसोबत बऱ्याच दिवसांपासून जोडले जात आहे. अलीकडेच, दुबईमध्ये बादशाहच्या कॉन्सर्टमध्ये दिसल्यानंतर या अभिनेत्रीने या प्रकरणाला आणखी खतपाणी घातले होते. त्याचा एक मजेशीर व्हिडिओही त्याने त्याच्या इंस्टाग्राम स्टोरीमध्ये शेअर केला होता. चाहते या दोघांना एकत्र पाहून अनेकदा खुश देखील होतात.

हानिया आमिरबद्दल बादशाह काय म्हणाला?
हानिया आमिरसोबतचे रॅपरचे फोटो काही वेळातच व्हायरल झाले. आता या प्रकरणावर बादशाहने मौन तोडले असून हानिया आमिरच्या प्रकरणावर तो उघडपणे बोलला आहे. आज तकशी बोलताना बादशाह म्हणाला, ‘हानिया माझी खूप चांगली मैत्रीण आहे. आम्हा दोघांचा खूप चांगला बॉण्ड आहे. आम्ही जेव्हा कधी भेटतो तेव्हा आम्ही खूप मजा करतो. ती तिच्या आयुष्यात खूप आनंदी आहे आणि मी माझे आयुष्य आनंदाने जगत आहे. हे खरे आहे की आमचे कनेक्शन खूप जवळचे आहे, यामुळेच लोक आमच्या नात्याबद्दल गोंधळून जातात. लोक जे पाहतात ते सत्य मानतात.’ असे बादशाहने सांगितले.

BIGG BOSS 18 : या बिग बॉसच्या स्पर्धकांचा गेम ओव्हर? सलमानच्या निशाण्यावर असणार हे सदस्य

‘मी अफवा टाळली’- हानिया
याशिवाय दोघेही लंडनमध्ये दिलजीत दोसांझच्या कॉन्सर्टमध्ये एकत्र हजेरी लावताना दिसले होते. दिलजीतने दोघांनाही स्टेजवर बोलावले होते. त्यांच्या नात्याची पहिली अफवा 2023 मध्ये सुरू झाली जेव्हा त्यांचा दुबईमध्ये रात्रीचा एक फोटो व्हायरल झाला. याआधी, हानियाने या अफवांवर प्रतिक्रिया दिली होती, “मला कधीकधी वाटते की माझी एकच समस्या आहे की मी विवाहित नाही. जर मी लग्न केले असते तर मी अशा अनेक अफवांपासून वाचले असते.” असे तिने सांगितले.

‘आराध्या माझी मुलगी आहे, म्हणूनच…’ अभिषेक बच्चन वडिलांसमोर KBC च्या मंचावर झाला भावूक!

बादशाहचे यापूर्वी लग्न झाले आहे
बादशाहचे खरे नाव आदित्य प्रतीक सिंग सिसोदिया आहे. त्यांचे पहिले लग्न जस्मिन मसिहसोबत झाले होते. या जोडप्याने 2012 मध्ये लग्न केले पण 2020 मध्ये वेगळे झाले. त्यांना एक मुलगी आहे, जेसी ग्रेस मसिह, तिचा जन्म 2017 मध्ये झाला होता. याआधी, बादशाहचे नाव अभिनेत्री मृणाल ठाकूर हिच्याशीही जोडले गेले होते, ज्याचा त्याने नकार केला होता. हानिया आमिर एक प्रसिद्ध पाकिस्तानी अभिनेत्री आणि मॉडेल आहे. मेरे हमसफर आणि इश्कियासारख्या हिट सिरीजमध्ये तिने काम केले आहे.