Bhool Bhulaiyaa 3: ‘जाना समझो ना’ मध्ये कार्तिक आणि तृप्तीची दिसली रोमँटिक केमिस्ट्री, चाहत्यांचा मिळाला प्रतिसाद!

कार्तिक आर्यनचा 'भूल भुलैया 3' हा चित्रपट दिवाळीला प्रदर्शित होणार आहे. या चित्रपटाचे दुसरे गाणे 'जाना समझो ना' नुकतेच रिलीज झाले असून चाहत्यांचा या गाण्याला चांगला प्रतिसाद मिळत आहे.

कार्तिक आर्यन आणि तृप्ती डिमरी यांचा बहुप्रतिक्षित हॉरर कॉमेडी चित्रपट ‘भूल भुलैया 3’ दिवाळीला प्रदर्शित होणार आहे. या चित्रपटाचा ट्रेलर काही दिवसांपूर्वी प्रदर्शित झाला होता. चित्रपटाचा ट्रेलर पाहिल्यानंतर चाहते चित्रपटाच्या प्रदर्शनाची आतुरतेने वाट पाहत आहेत. चित्रपटाच्या ट्रेलरमध्ये माधुरी दीक्षित, विद्या बालन आणि नित्या मेनन यांसारख्या स्टार्सची झलक पाहायला मिळाली आहे. या चित्रपटाचा टायटल ट्रॅक जागतिक स्तरावर हिट झाला आहे, संपूर्ण देश या गाण्याच्या तालावर थिरकतो आहे. काही तासांपूर्वीच ‘जाना समझो ना’ या चित्रपटामधील दुसरे गाणेही रिलीज झाले आहे. त्याला लोकांचा चांगला प्रतिसाद मिळत आहे.

‘जाना समझो ना’ गाण्याला मिळाले चाहत्यांचे प्रेम
कार्तिक आर्यनने स्वतः च्या इंस्टाग्रामवर ‘भूल भुलैया 3’ या हॉरर कॉमेडी चित्रपटातील ‘जाना समझो ना’ या दुसऱ्या गाण्याचा टीझर शेअर केला आहे. या गाण्यात कार्तिक आर्यन आणि तृप्ती डिमरी यांची जबरदस्त केमिस्ट्री पाहायला मिळत आहे. ‘जाना समझो ना’ या गाण्याला लोकप्रिय गायक तुलसी कुमार आणि आदित्य रिखारी यांनी आवाज दिला आहे. हे गाणे लिजो जॉर्ज, डीजे चेतस आणि आदित्य रिखारी यांनी संगीतबद्ध केले आहे. या गाण्याचे बोल आदित्य रिखारी यांनी लिहिले आहेत. हे गाणे टी-सीरीजच्या अधिकृत यूट्यूब चॅनलवर रिलीज करण्यात आले आहे. या गाण्याला अवघ्या काही मिनिटांत 222 हजारांहून अधिक व्ह्यूज मिळाले आहेत. गाणे ऐकल्यानंतर आणि पाहिल्यानंतर लोक विविध प्रकारच्या कमेंट करताना दिसत आहेत. एका यूजरने लिहिले की, ‘दोघांना रोमान्स करताना पाहून मजा आली’. दुसऱ्या यूजरने लिहिले की, ‘कार्तिक आर्यन आणि तृप्ती डिमरी यांची केमिस्ट्री कौतुकास्पद आहे’.

 

हे देखील वाचा – ‘वॉर 2’ मध्ये किंग खानची एंट्री? हृतिक, ज्युनियर एनटीआरसह शाहरुखची दिसणार एकत्र केमिस्ट्री!

या चित्रपटाला देणार Bhool Bhulaiyaa 3 टक्कर
‘भूल भुलैया 3’ हा चित्रपट येत्या दिवाळीमध्ये धमाका करायला येणार आहे. ‘भूल भुलैया 3’च्या तिसऱ्या भागात कार्तिक आर्यन पुन्हा एकदा ‘रूह बाबा’च्या स्टाईलमध्ये दिसणार आहे. या चित्रपटात कार्तिक आर्यनसोबत तृप्ती डिमरी अभिनेत्रीच्या भूमिकेत दिसणार आहे. अनीस बज्मीचा हा चित्रपट दिवाळीत अजय देवगणच्या ‘सिंघम अगेन’शी टक्कर देणार आहे. आता कार्तिक आर्यनचा ‘भूल भुलैया 3’ किंवा अजय देवगणचा ‘सिंघम अगेन’ कोणता चित्रपट हिट होणार आहे हे पाहणे उत्साहाचे झाले आहे.