‘माझे पहिले प्रेम…’, फराह खानने युट्यूबवरील कमाईबद्दल केला मोठा खुलासा

कोरिओग्राफर आणि दिग्दर्शिका फराह खान सध्या तिच्या यूट्यूब चॅनलमुळे चर्चेत आहे. एका मुलाखतीत तिने तिच्या कमाई बदल सांगितले आहे.

• फराह खानचे पहिले प्रेम काय ब्लॉग की दिग्दर्शन?
• फराह खान यूट्यूब चॅनलमधून किती कमाई करते?
• युट्यूबवरील कमाईबद्दल फराह खानने केला मोठा खुलासा

लोकप्रिय कोरिओग्राफर आणि दिग्दर्शिका फराह खान मनोरंजन क्षेत्रात तिच्या अनोख्या शैलीसाठी ओळखली जाते. ती गेल्या काही काळापासून तिच्या युट्यूबवरील ब्लॉगमुळे चर्चेत आहे. खरं तर, फराह खानने तिच्या कूकसोबत एक यूट्यूब चॅनल सुरू केला होता, ज्याला जोरदार प्रतिसाद मिळत आहे. या यूट्यूब चॅनलवर पोस्ट केलेले व्हिडिओ खूप लोकप्रिय आहेत. दर आठवड्याला, फराह खान एका सेलिब्रिटीच्या घरी जाते आणि नवीन नवीन व्हिडिओ करत असते. याव्यतिरिक्त, ती दिलीपसोबत सेलिब्रिटीच्या स्वयंपाकघरात स्वयंपाक करते. आता, फराह खानने तिच्या यूट्यूब चॅनलवरून ती खूप कमाई करत असल्याचे उघड केले आहे.

‘ही आता एक मोठी समस्या बनली आहे…’, कीर्ती सुरेशच्या फोटोंशी छेडछाड; AI ने बनवलेल्या फोटोवर संतापली अभिनेत्री

फराह खानने अलीकडेच तिची चांगली मैत्रीण सानिया मिर्झा हिच्यासोबत तिच्या “सर्व्हिंग इट अप विथ सानिया” या पॉडकास्टवर चर्चा केली. मुलाखतीदरम्यान तिने तिच्या व्यावसायिक कारकिर्दीबद्दल चर्चा केली. ती YouTube वरून जास्त कमावते की कोरिओग्राफीमधून. ती म्हणाली, “मी कंटेंट क्रिएशनमधून जास्त पैसे कमवते. ते खरे आहे.” सानिया मिर्झाने उत्तर दिले की हे अशा व्यक्तीकडून येत आहे जो ३०० कोटींचा चित्रपट बनवते. यावर फराह खानने उत्तर दिले, “खरं सांगायचं तर, मी कंटेंट क्रिएशनमधून सर्वाधिक कमाई केली आहे. पण जर तुम्ही मला विचारले की मला खरोखर काय करायचे आहे, तर माझे पहिले प्रेम दिग्दर्शन आहे आणि नेहमीच राहील.”

Miss Universe 2025 : पाय घसरला अन् मिस जमैका स्टेजवरून पडली, झाला मोठा अपघात! रुग्णालयात केलं दाखल; Video Viral

फराह खानने “हॅपी न्यू इयर” हा चित्रपट दिग्दर्शित केला होता, जो २०१४ मध्ये थिएटरमध्ये प्रदर्शित झाला होता. १५० कोटी रुपयांच्या बजेटमध्ये बनवलेल्या या चित्रपटाने जगभरात अंदाजे ४०० कोटी रुपयांची कमाई केली. मिळालेल्या माहितीनुसार अंदाजे फराह खानची एकूण संपत्ती ३५० कोटी रुपये आहे.