OTT Release: अखेर समजलेच! राम चरणचा ‘गेम चेंजर’ या ओटीटी प्लॅटफॉर्मवर होणार प्रदर्शित!

राम चरण यांचा राजकीय अ‍ॅक्शन चित्रपट 'गेम चेंजर' आज १० जानेवारी रोजी थिएटरमध्ये प्रदर्शित झाला आहे. या चित्रपटाबद्दल प्रेक्षकांमध्ये खूप क्रेझ आहे जी सोशल मीडियावरही स्पष्टपणे दिसून येत आहे.

राम चरण आणि कियारा अडवाणी यांचा राजकीय ॲक्शन ड्रामा चित्रपट ‘गेम चेंजर’ नुकताच प्रदर्शित झाला आहे. या चित्रपटाच्या चित्रीकरणाला तीन वर्षे लागली आणि हा एक मोठ्या बजेटचा चित्रपट म्हणूनही वर्णन केला जात आहे. गेम चेंजरचे अंदाजे बजेट सुमारे ₹४५० कोटी आहे. आणि आता हा चित्रपट प्रेक्षकांचं सिनेमागृहात भरभरून मनोरंजन करण्यासाठी सज्ज झाला आहे. हा चित्रपट रिलीज होताच आता राम चरणचा ‘गेम चेंजर’ ओटीटी प्लॅटफॉर्मवर कुठे प्रदर्शित होणार हे जाणून घेण्यासाठी चाहते खूप उत्सुक आहेत.

चित्रपटाची कथा काय आहे?
चित्रपटाची कथा राम नंदन नावाच्या एका आयएएस अधिकाऱ्याची आहे जो खूप रंगीत व्यक्ती आहे. देशातील भ्रष्ट नेत्यांना संपवणे हे त्यांचे उद्दिष्ट आहे. यशस्वी थिएटर रननंतर, हा चित्रपट ओटीटीवर देखील प्रदर्शित होणार आहे. या चित्रपटाचे डिजिटल राइट्स आधीच विकले गेले आहेत. हा चित्रपट ओटीटीवर कधी आणि कुठे प्रदर्शित होणार आहे आपण जाणून घेणार आहोत. ज्याची आतुरता चाहते अधिक काळापासून पाहत आहेत.

Game Changer: सगळा खेळ पलटला राम चरण ३ वर्षांनी परतला; ‘गेम चेंजर’च्या कथेत अनेक रहस्य होतील उघड!

कोणत्या ओटीटी प्लॅटफॉर्मवर रिलीज होईल?
‘आरआरआर’च्या जवळजवळ पाच वर्षांनंतर, राम चरण एका चित्रपटात मुख्य भूमिकेत दिसणार आहे. चित्रपटाचे डिजिटल राइट्स अमेझॉन प्राइमला १०५ कोटी रुपयांना विकले गेले आहेत. हा चित्रपट अमेझॉनवर हिंदी शिवाय सर्व भाषांमध्ये उपलब्ध होणार आहे. ज्याचा आनंद चाहत्यांना घेता येणार आहे. राम चरण गेम चेंजर चित्रपटामध्ये दुहेरी भूमिकेत दिसणार आहे. तसेच हा चित्रपट सिनेमागृहात काय कमाई करतो हे पाहणे उत्कंठाचे ठरणार आहे.

राम चरणने चित्रपटात दुहेरी भूमिका साकारली आहे.
राम चरण आणि कियारा अडवाणी यांच्याव्यतिरिक्त, अंजली, एसजे सूर्या, सुनील, जयराम, श्रीकांत, समुथिरकानी आणि नास्सर यांनीही चित्रपटात महत्त्वाच्या भूमिका प्रेक्षकांना पाहायला मिळणार आहे. या चित्रपटाची कथा कार्तिक सुब्बाराज यांनी लिहिली आहे आणि त्याचे संवाद साई माधव बुर्रा यांनी लिहिले आहेत. हे शंकर यांनी दिग्दर्शित केले आहे, जे त्यांच्या कथाकथन आणि चित्रपट निर्मिती कौशल्यासाठी प्रसिद्ध आहेत.

Diljit Dosanjh: दिलजीत दोसांझची पत्नी कोण आणि मुलगा आहे तरी कुठे? वैयक्तिक आयुष्य यासाठी गुपित ठेवतो अभिनेता!

‘इंडियन २’ च्या अपयशानंतर एस शंकरने गेम चेंजरसह पुनरागमन केले आहे. चित्रपटात राम चरणची दुहेरी भूमिका साकारली आहे, तो वडील आणि मुलगा अशा दोन्ही भूमिकांमध्ये दिसणार आहे. ॲडव्हान्स बुकिंगबद्दल बोलायचे झाले तर, चित्रपटाने बॉक्स ऑफिसवर ५० कोटी रुपये कमावले होते. अल्लू अर्जुनप्रमाणेच राम चरणचेही दक्षिणेत मोठे चाहते आहेत. अशा परिस्थितीत, पुष्पा २ च्या समीकरणावर गेम चेंजरचा किती परिणाम होऊ शकतो हे पाहणे मनोरंजक असेल. आतापर्यंत, चित्रपटाला समीक्षकांकडून मिश्रित प्रतिक्रिया मिळाल्या आहेत.