राष्ट्रीय पुरस्कार स्वीकारताना मानसी पारेख कॅमेऱ्यासमोर झाली भावुक, राष्ट्रपतींनी खांद्यावर हात ठेवून दिला आधार!

70 वा राष्ट्रीय चित्रपट पुरस्कार 8 ऑक्टोबर 2024 रोजी विज्ञान भवन, नवी दिल्ली येथे आयोजित करण्यात आला होता. यादरम्यान भारतीय चित्रपटसृष्टीतील प्रसिद्ध व्यक्तिमत्त्वांना चित्रपटसृष्टीतील उत्कृष्ट कामगिरीबद्दल सन्मानित करण्यात आले. मिथुन चक्रवर्ती यांना दादासाहेब फाळके पुरस्काराने सन्मानित करण्यात आले आहे. 'कच्छ एक्सप्रेस' या गुजराती चित्रपटासाठी मानसी पारेखला सर्वोत्कृष्ट अभिनेत्रीचा पुरस्कार मिळाला आहे.

मानसी पारेख गोहिल ही एक सुप्रसिद्ध अभिनेत्री, गायिका, निर्माती आणि कंटेंट क्रिएटर आहे. स्टार प्लस मालिका ‘सुमित संभाल लेगा’ या मालिकेतील माया आणि ‘जिंदगी का हर रंग गुलाल’ या मालिकेतील तिच्या गुलाल या पात्रासाठी ती अजूनही चाहत्यांच्या लक्षात आहे. अलीकडेच अभिनेत्रीला तिच्या गुजराती चित्रपट ‘कच्छ एक्सप्रेस’साठी सर्वोत्कृष्ट अभिनेत्रीचा राष्ट्रीय पुरस्कार प्राप्त झाला आहे.

राष्ट्रपतींनी अभिनेत्रीला दिला आधार
मानसी जेव्हा पुरस्कार स्वीकारण्यासाठी मंचावर गेली तेव्हा ती इतकी भावूक होताना दिसली. अभिनेत्रीला अश्रू अनावर झाले. यावेळी राष्ट्रपती द्रौपदी मुर्मू त्यांचे सांत्वन करताना दिसल्या. खरं तर, 8 ऑक्टोबर रोजी नवी दिल्लीतील विज्ञान भवनात 70 व्या राष्ट्रीय चित्रपट पुरस्कारांनी कलाकारांना गौरविण्यात आले. यादरम्यान, पुरस्कार स्वीकारताना कॅमेऱ्यासमोर पोज देताना मानसी भावुक होऊन रडली आणि पुरस्कार स्वीकारताना दिसली. राष्ट्रपती द्रौपदी मुर्मू यांनी अभिनेत्रींच्या खांद्यावर हात ठेवून तिला प्रोत्साहन दिले.

 

See more

A well-earned triumph! @manasi_parekh has been honored with the Best Actress in a Leading Role award for “KUTCH EXPRESS (Gujarati)” at the 70th National Film Awards! Her remarkable talent shines through in every scene. @MIB_India @nfdcindia @PIB_India @AshwiniVaishnaw… pic.twitter.com/kK090R0yir

— Doordarshan National दूरदर्शन नेशनल (@DDNational) October 8, 2024

ज्येष्ठ अभिनेते मिथुन चक्रवर्ती यांना अत्यंत प्रतिष्ठेच्या दादासाहेब फाळके पुरस्काराने सन्मानित करण्यात आले. डान्सर मिथुन चक्रवर्ती गेल्या 50 वर्षांहून अधिक काळ चित्रपटांमध्ये काम करत आहेत. मानसीसोबत नित्या मेननलाही सर्वोत्कृष्ट अभिनेत्रीचा पुरस्कार प्राप्त झाला आहे. धनुषच्या थिरुचित्रंबलम या चित्रपटातील अभिनयासाठी नित्याला हा पुरस्कार मिळाला आहे. ऋषभ शेट्टीला कांतारा चित्रपटासाठी सर्वोत्कृष्ट अभिनेत्याचा पुरस्कार मिळाला आहे.

हे देखील वाचा- पायल कपाडियाचा All We Imagine as Light चित्रपटाचा फ्रान्समध्ये दबदबा, 185 चित्रपटगृहांत घातला धुमाकूळ!

नित्या मेननसोबत मानसी पारेख हिलाही सर्वोत्कृष्ट अभिनेत्रीचा राष्ट्रीय पुरस्कार मिळाला आहे. मानसीला तिच्या 2023 च्या गुजराती चित्रपट ‘कच्छ एक्सप्रेस’ साठी सर्वोत्कृष्ट अभिनेत्रीचा राष्ट्रीय पुरस्कार देण्यात आला आहे. या चित्रपटाचे दिग्दर्शन विरल शाह यांनी केले आहे. मानसीशिवाय रत्ना पाठक शाह, धर्मेंद्र गोहिल आणि दर्शील सफारी यांनीही चित्रपटात महत्त्वाच्या भूमिका साकारल्या आहेत. हा चित्रपट VI Movies किंवा TV आणि ShemarooMe वर जाहिरातींसह विनामूल्य पाहिला जाऊ शकतो.