धनुषला डेट करण्याच्या अफवांवर मृणाल ठाकूरने सोडले मौन; सांगितले दोघांमधील नातं काय?

बऱ्याच काळापासून अभिनेत्री मृणाल ठाकूरचे नाव साऊथ सुपरस्टार धनुषसोबत जोडले जात होते. आता अखेर तिने या बातम्यांवर तिची प्रतिक्रिया दिली आहे. अभिनेत्री आता नक्की काय म्हणाली आहे हे जाणून घेऊयात.

• धनुष आणि मृणालच्या डेटिंगच्या अफवा
• मृणाल आणि धनुष ‘फक्त चांगले मित्र’
• मृणालने सांगितले दोघांमधील नातं

गेल्या अनेक दिवसांपासून बॉलीवूड वर्तुळात साऊथ सुपरस्टार धनुष आणि मृणाल ठाकूर यांची नावे एकमेकांशी जोडली जात होती. अलिकडेच ‘सन ऑफ सरदार २’ चित्रपटाच्या प्रदर्शनादरम्यान अभिनेत्री मृणाल ठाकूर आणि साऊथ सुपरस्टार धनुष एकमेकांच्या जवळ दिसले तेव्हा अशीच परिस्थिती निर्माण झाली. सोशल मीडियावर या दोघांच्या नात्याबद्दल चर्चा तीव्र झाली होती, पण आता मृणालने या सर्व अटकळींना पूर्णविराम दिला आहे. अभिनेत्रीने आता त्यांच्या नात्याचा खुलासा केला आहे.

सत्तेसाठी पुष्पाचा संघर्ष; ‘तुझ्यासाठी तुझ्यासंगं’मध्ये पाहायला मिळणार नवा ट्विस्ट, सीमा घोगळे साकारणार नवी भूमिका

धनुष आणि मृणालच्या डेटिंगच्या अफवा
धनुषने मृणाल ठाकूरच्या ‘सन ऑफ सरदार २’ चित्रपटाच्या प्रदर्शनाला हजेरी लावली तेव्हापासून धनुष आणि मृणालच्या डेटिंगच्या अफवा सुरू झाल्या आहेत. यापूर्वी मृणाल धनुषच्या ‘तेरे इश्क में’ चित्रपटाच्या शेवटच्या पार्टीतही दिसली होती. दोघांच्या वाढत्या भेटीगाठी आणि सोशल मीडियावरील संवादांमुळे त्यांच्या नात्याबद्दलच्या अटकळींना उधाण आले. काही पोर्टल्सनी असेही म्हटले आहे की ते दोघे एकमेकांना डेट करत आहेत. तसेच, आता मृणालने स्वतः यावर प्रतिक्रिया दिली आहे.

मृणाल आणि धनुष ‘फक्त चांगले मित्र’
‘ओन्ली कॉलीवूड’ला दिलेल्या अलिकडेच दिलेल्या मुलाखतीत मृणालने स्पष्ट केले की धनुषसोबतचे तिचे नाते फक्त मैत्रीचे आहे. तिने या अफवांना मजेदार म्हटले आणि या चर्चा वाचल्यानंतर ती हसली. तिच्या मते, ‘सन ऑफ सरदार २’ च्या स्क्रीनिंगमध्ये धनुषची उपस्थिती केवळ अजय देवगणच्या आमंत्रणावरून होती आणि त्याला कोणत्याही रोमँटिक अँगलशी जोडणे चुकीचे आहे. असे अभिनेत्रीने या मुलाखतीत म्हटले आहे.

आहान पांडे ते राघव जुयालपर्यंत ‘या’ सेलिब्रिटींनी केले ‘निशानची’ चित्रपटाच्या टीझरचे भरभरून कौतुक!

धनुषच्या उपस्थितीने अफवांना खतपाणी घातले
मृणाल आणि धनुष एकाच कार्यक्रमात उपस्थित राहण्यापासून ते मृणालने धनुषच्या बहिणींना इन्स्टाग्रामवर फॉलो करण्यापर्यंत, सर्व काही अफवांचा भाग बनले. पण मृणालने या अटकळींना फक्त मैत्रीपूर्ण म्हटले आणि सहकार्य आणि परस्पर आदराबाबत इंडस्ट्रीत अशा गोष्टी घडणे दुर्दैवी असल्याचे म्हटले आहे.

धनुषचे वैयक्तिक आयुष्य देखील चर्चेचा विषय
गेल्या काही वर्षांत धनुषचे वैयक्तिक आयुष्य देखील चर्चेत आहे. सुपरस्टार रजनीकांत यांची मुलगी ऐश्वर्यासोबत त्यांचे लग्न १८ वर्षे टिकले परंतु २०२२ मध्ये हे जोडपे वेगळे झाले आणि २०२४ मध्ये त्यांचा घटस्फोट झाला. त्यांना दोन मुले आहेत लिंगा आणि यात्रा असे त्यांचे नाव आहे.