गँग्स ऑफ वासेपूरनंतर ‘बादशाह ऑफ बेगूसराय’ येणार, नवाजुद्दीन आणि मनोज बाजपेयी बिहारींच्या भूमिकेत झळकणार!

गँग्स ऑफ वासेपूर या गुन्हेगारीवर आधारित चित्रपटाची लोकप्रियता आजही कायम आहे. 2012 नंतर हा चित्रपट 30 ऑगस्टला पुन्हा प्रदर्शित झाला तेव्हा चाहत्यांच्या प्रचंड आनंद झाला होता. गँग्स ऑफ वासेपूर हा बॉलीवूडमधील टॉप चित्रपटांपैकी एक आहे. आता या चित्रपटावर आधारित एक सिरीज बनवली जात आहे जी बिहारची कथा असणार आहे. आणि या सिरीजमध्ये नवाजुद्दीन आणि मनोज बाजपेयी मुख्यभूमीकेत दिसतील.

‘गँग्स ऑफ वासेपूर’ हा ॲक्शन-क्राइम चित्रपट बॉलिवूडमधील लोकप्रिय चित्रपटांपैकी एक आहे. जेव्हा हा चित्रपट थिएटरमध्ये प्रदर्शित झाला तेव्हा त्याने आश्चर्यकारक कामगिरी केली. अनुराग कश्यप दिग्दर्शित या चित्रपटाने खूप लक्ष वेधले आणि काही दिवसांपूर्वी हा चित्रपट पुन्हा प्रदर्शित झाला. आता ‘गँग्स ऑफ वासेपूर’ प्रेमींसाठी आणखी एक आनंदाची बातमी आहे. ‘गँग्स ऑफ वासेपूर’च्या पुन्हा रिलीजला पुन्हा एकदा प्रेक्षकांचे पूर्वीसारखेच लक्ष आणि प्रेम मिळाले आणि आता निर्मात्यांना या चित्रपटाच्या पुढील कथेची जादू पडद्यावर दाखवायची आहे. ‘गँग्स ऑफ वासेपूर’ या चित्रपटाचा वारसा पुढे नेत अशीच आणखी एक मालिका तयार करण्यात येणार असल्याची चर्चा आहे. ही वेब सिरीज गँगस्टर ड्रामाची कथा अधोरेखित करणार आहे.

निर्माते घेऊन येत आहेत ‘बेगूसरायचा बादशाह’
बॉलिवूड लाईफच्या रिपोर्टनुसार, निर्माता सुनील बोहरा आणि लेखक अखिलेश जैस्वाल 12 वर्षांनंतर एका प्रोजेक्टसाठी एकत्र आले आहेत. ही एक वेब सीरिज असेल, ज्याचे नाव ‘बेगूसराय बादशाह’ असेल. या मालिकेची पार्श्वभूमी बिहारच्या कथेवर असेल, ज्यामध्ये अंडरवर्ल्डची कथा दाखवण्यात येणार आहे.

हे देखील वाचा- Shivali Parab : शिवालीच्या अप्रतिम सौंदर्यावर नेटकरी भाळले, सोशल मीडियावर फोटोज् व्हायरल

‘बिहारचा पाब्लो एस्कोबार’ही या कथेत दाखवण्यात येणार आहे. गेल्या वर्षभरापासून या मालिकेवर काम सुरू असल्याची चर्चा आहे. शोचा माहोल गँग्स ऑफ वासेपूरसारखा असेल. सर्व काही व्यवस्थित राहिल्यास ही मालिका २०२५ मध्ये प्रदर्शित होऊन प्रेक्षकांच्या भेटीस येऊ शकते. ‘गँग्स ऑफ वासेपूर’ या चित्रपटात मनोज बाजपेयी, नवाजुद्दीन सिद्दीकी आणि हुमा कुरेशी मुख्य भूमिकेत होते. 2012 मध्ये रिलीज झालेला हा चित्रपट त्यावेळी चांगलाच हिट ठरला होता. आणि आता येणाऱ्या या सिरीजमध्ये देखील हे कलाकार झळकणार आहेत.