राधिका मदन ‘सरफिरा’ मध्ये चमकली, सर्वोत्कृष्ट अभिनेत्री म्हणून निर्मात्यांनी केले कौतुक!

तिच्या अभिनयाचे कौतुक करताना, चित्रपट व्यापार विश्लेषक कोमल नाहटा या म्हणाल्या कीं, “सरफिरा या चित्रपटामध्ये मदनने उत्कृष्ट अभिनय केला आहे. आणि तिने यापूर्वी काही अविश्वसनीय काम केले आहे. नाहटा सांगतात, “राधिकाला तिची कलाकुसर माहीत आहे. मला तिचा सरफिरामधील अभिनय खूप आवडला होता. तिने ज्याप्रकारे चित्रपटात तिची मराठी बोली उचलली आहे त्याचे कौतुक करण्यासारखे आहे. खरं तर ती तिच्या आधीच्या चित्रपट सजनी शिंदेच्या अगदी जवळ आहे. तिची ही देखील भूमिका तितकीच चांगली होती.” असे त्यांनी सांगितले.

या चित्रपटामधील राधिकाचे कॉमिक टायमिंग अतुलनीय आहे, जे चित्रपटात हलकेपणा आणते. तिचे राणीचे पात्र विनोद, संवेदनशीलता आणि खेळकरपणाचे परिपूर्ण मिश्रण आहे. जे चाहत्यांना अनुभवायला मिळाले आहे. हे स्पष्ट आहे की तिने स्वतःला पात्रात पूर्णपणे बुडवून घेतले होते आणि त्याचे बारकावे उल्लेखनीय खोलीसह समजून घेतले होते. असे त्या पुढे म्हणाल्या.

तसेच पुढे या चित्रपटाचे निर्माते आणि चित्रपट व्यापार तज्ञ गिरीश जोहर म्हणाले की,”सरफिरामध्ये अक्षय कुमार आणि राधिका या दोघांचाही अतिशय प्रशंसनीय अभिनय होता. संपूर्ण टीमने तो उत्कृष्टपणे पार पाडला, राधिका आधीपासूनच एक लोकप्रिय चेहरा आहे आणि आता या बारीकसारीक पात्रांसह ती प्रेक्षकांच्या आणखी पसंतीस येत आहे. तिची आकर्षक पडद्यावरची उपस्थिती आणि सहजतेने साकारलेले पात्रे या सगळ्याची क्षमता राधिकामध्ये असल्यामुळे ती एक जबरदस्त अभिनेत्री बनणार आहे. या चित्रपटामध्ये अक्षय आणि राधिका या दोघांचाही जास्त समावेश आहे. त्यामुळे राधिका आता चाहत्यांची आवडती अभिनेत्री बनत आहे यात शंकाच नाही.” असे त्यांनी तिच्या बद्दल सांगितले आणि भरभरून कौतुक केले.

संबंधित बातम्या