Raj Kapoor: नर्गिसच्या प्रेमात आकंठ बुडाले होते राज कपूर, लग्न झाल्यावर स्वतःलाच दिला त्रास, रात्रभर दारू अन् सिगरेटचे चटके….

दिवंगत अभिनेते राज कपूर यांचा आज 14 डिसेंबर रोजी 100 वा वाढदिवस आहे, अभिनेत्याची १०० वावी जयंती कपूर कुटुंबीय मोठ्या थाटात साजरी करत आहेत. दरम्यान, त्यांच्या आयुष्यातील अनेक कथा प्रसिद्ध झाल्या आहेत. राज कपूर यांच्या लव्

प्रसिद्ध दिवंगत अभिनेते राज कपूर यांचा आज 14 डिसेंबर रोजी 100 वा वाढदिवस आहे. आज त्यांची १०० वावी जयंती साजरी केली जात आहे. याचनिमित्ताने आपण त्यांच्या लव्ह लाईफशी संबंधित काही गोष्टी जाणून घेणार आहोत. राज कपूर स्वतःला रात्रभर दारू अन् सिगरेटचे चटके देत असे. राज कपूर यांचे नाव तीन बॉलिवूड अभिनेत्रींसोबत जोडले गेले होते. पण एक अभिनेत्री अशी होती जिच्या प्रेमात राज कपूर वेडे झाले होते. नर्गिसच्या प्रेमात राज कपूरने स्वतःला उद्ध्वस्त केले होते.

राज कपूर नर्गिससाठी रात्रभर रडायचे
हिंदी चित्रपटसृष्टीतील शोमन म्हटल्या जाणाऱ्या राज कपूर त्यांच्या वैयक्तिक नात्यांमुळे खूप चर्चेत होते. ही त्यावेळची गोष्ट आहे जेव्हा राज कपूर यांचे नाव ज्येष्ठ हिंदी सिने अभिनेत्री नर्गिसशी जोडले गेले होते. दोघांनी जवळपास 16 चित्रपटांमध्ये एकत्र काम केले. आवारा, श्री 420, अनारी, चोरी-चोरी असे अनेक चित्रपट आहेत ज्यात राज कपूर आणि नर्गिसची जोडी एकत्र दिसली होती. मीडिया रिपोर्ट्सनुसार, चित्रपटात काम करताना दोघेही एकमेकांच्या खूप जवळ आले होते. त्यावेळी दोघे रिलेशनशिपमध्ये असल्याचीही चर्चा होती.

तसेच, दोघेही एकमेकांवर खूप प्रेम करत होते, पण या दोघांचे लग्न होऊ शकले नाही. या दोघांची जोडी रुपेरी पडद्यावर सुपरहिट ठरली, पण खऱ्या आयुष्यात सर्वकाही उलटे होते. नर्गिसने 1958 मध्ये सुनील दत्तसोबत लग्न केले, त्यानंतर राज कपूरला खूप दुःख झाले. या विश्वासघातानंतर राज कपूर स्वत:वर नियंत्रण ठेवू शकले नाहीत. मधु जैन यांच्या ‘द कपूर्स: द फर्स्ट फॅमिली ऑफ इंडियन सिनेमा’ या पुस्तकात याचा उल्लेख करण्यात आला आहे. राज कपूरच्या म्हणण्यानुसार, त्यांना नर्गिसने प्रेमात फसवले होते. अशा स्थितीत त्यांना इतके अस्वस्थ झाले की, ते रात्रभर दारू प्यायचे, बाथरूममध्ये जाऊन रडायचे आणि सिगारेट चटके स्वतःला देत असे.

नर्गिसच्या भावांमुळे दोघेही वेगळे झाले
पुस्तकानुसार, राज कपूरचे खरे प्रेम नर्गिसवर होते आणि ते तिच्यासोबत लग्न करण्यासाठी पत्नीला सोडण्यास तयार होते. सार्वजनिक व्यासपीठावर त्यांनी कधीही नर्गिसच्या विरोधात काहीही बोलले नव्हते, पण नर्गिसच्या भावांवर आरोप केले होते. अभिनेत्रीच्या भावांनी दोघांमध्ये दुरावा निर्माण केला, असा त्यांचा समज होता.

नर्गिसने विश्वासघात केला
पुस्तकानुसार, नर्गिससोबत ब्रेकअप झाल्यानंतर राज कपूर यांनी एका पत्रकाराला सांगितले होते की, जगभरातील लोक त्यांना सांगतात की त्यांनी नर्गिसला निराश केले आहे, पण सत्य हे आहे की तिने माझा विश्वासघात केला आहे. नर्गिसच्या लग्नाची बातमी ऐकून राज कपूर आपल्या मित्रांसमोर रडले. वेदना सहन करण्यासाठी, त्यांनी सिगारेटने स्वत: ला चटके देण्यास सुरुवात केली.

Pushpa 2 Collection Day 9: अल्लू अर्जुन तुरुंगात गेल्यानंतर ‘पुष्पा २’ च्या कमाईवर परिणाम?

दारूच्या व्यसनाने हे कुटुंब त्रस्त होते.
मीडिया रिपोर्ट्सनुसार, नर्गिसपासून वेगळे झाल्यानंतर राज कपूर खूप मद्यपान करू लागले. त्यामुळे पत्नी कृष्णा कपूर आणि कुटुंबीयही चिंतेत पडले. राज कपूरच्या पत्नीने सांगितले होते की, “तो नशेत येतो आणि बाथटबमध्ये बेशुद्ध पडतो.” रात्रभर रडत राहतो आणि हे रोज रात्री घडते.’ असे त्यांनी सांगितले.

नर्गिससोबत प्रेम
शोमॅन राज कपूर आणि नर्गिस यांच्या प्रेमाच्या चर्चा त्यावेळी सर्वत्र रंगल्या होत्या. नर्गिसशिवाय राज कपूरचे नाव वैजयंती माला यांच्याशीही जोडले गेले. मीडिया रिपोर्ट्सनुसार, राज कपूर पत्नी कृष्णासोबत लग्न केल्यानंतर वैजयंती मालाच्या प्रेमात पडले. या नात्यामुळे राज कपूर यांच्या पत्नीने घर सोडले. बायोग्राफी दरम्यान ऋषी कपूर यांनी सांगितले होते की, वडील राज कपूर जेव्हा वैजयंती मालासोबत होते तेव्हा आम्ही आईसोबत नटराज हॉटेलमध्ये राहायला गेलो होतो. नर्गिस आणि वैजयंती यांच्याशिवाय राज कपूर यांचे नाव पद्मिनी कोल्हापुरे यांच्याशीही जोडले गेले होते. मीडिया रिपोर्ट्सनुसार, पद्मिनीने स्वतः राज कपूरची वेडी असल्याची कबुली दिली होती.