(फोटो सौजन्य - x अकाउंट)
अभिनेता राम कपूर यांना त्यांच्या नवीन शो ‘मिस्त्री’ च्या प्रमोशन दरम्यान काही चुकीच्या आणि आक्षेपार्ह गोष्टी बोलल्याबद्दल टीकेचा सामना करावा लागला आहे. त्यांनी प्रमोशन आणि मार्केटिंग टीममधील काही सदस्यांबद्दल असे काही बोलले ज्यामुळे तिथे उपस्थित असलेल्या लोकांना अस्वस्थ वाटले. त्यानंतर, त्यांना शोच्या प्रमोशनमधून काढून टाकण्यात आले आणि दुसऱ्या दिवशी त्यांची सह-कलाकार मोना सिंग एकट्या मुलाखतीत दिसल्या आहेत.
‘तेरे नाम’ मधली गाजलेली हेअरस्टाईल कोणापासून प्रेरित होती? सलमान खानने २२ वर्षांनी केला खुलासा
प्रमोशन दरम्यान काय घडले?
‘मिस्त्री’ चे प्रमोशन गेल्या गुरुवारी मुंबईतील एका हॉटेलमध्ये झाले, जिथे राम कपूर आणि मोना सिंग यांनी अनेक मीडिया मुलाखती दिल्या. तिथे उपस्थित असलेल्या लोकांच्या मते, राम कपूर यांनी शोच्या मार्केटिंग टीममधील एका पुरुष सदस्याबद्दल अनेक वेळा असे काही बोला की तेथील लोकं अस्वस्थ झाले. त्यांनी त्याच्या आईविषयीही टिप्पणी केली. पत्रकारासमोर त्यांनी विनोदाने ‘सामूहिक अत्याचार’ हा अश्लील शब्द देखील वापरला आणि लैंगिक संबंधांशी संबंधित गोष्टीही सांगितल्या.
तिथे उपस्थित असलेल्या काही महिला कर्मचाऱ्यांच्या कपड्यांवरही त्याने भाष्य केले. तो म्हणाला, ‘जर त्या माझ्या नजरेत असतील तर मी कसे पाहू शकत नाही?’ एचटीच्या वृत्तानुसार, या मुलाखती संपताच, त्याच संध्याकाळी टीममध्ये हा मुद्दा उपस्थित करण्यात आला.
‘एप्रिल मे ९९’ सलग ३० दिवस चित्रपटगृहांत, चित्रपटाने गाठला यशाचा टप्पा!
राम कपूर यांना प्रमोशनमधून का काढून टाकण्यात आले?
दुसऱ्या दिवशी, म्हणजे शुक्रवारी, फक्त मोना सिंगने मीडिया मुलाखती दिसल्या आहेत. एका सूत्राने सांगितले की प्रकरण गंभीर झाल्यामुळे राम कपूर यांना प्रमोशनमधून काढून टाकण्याचा निर्णय घेण्यात आला. एका अधिकाऱ्याने सांगितले की शोच्या प्लॅटफॉर्म, जिओ हॉटस्टारने स्पष्टपणे सांगितले आहे की ते त्यांच्या कामाच्या ठिकाणी प्रत्येकाला आदर आणि सुरक्षितता देणे हे प्राधान्य मानतात. म्हणून, अधिकृत तक्रार दाखल होताच, त्वरित कारवाई करण्यात आली आहे.
.png "Videos"){kind=small}
