(फोटो सौजन्य - सोशल मीडिया)
सैफ अली खानवरील हल्ला आणि त्याच्या वांद्रे येथील घरी दरोड्याच्या प्रयत्नामुळे देशभरात खळबळ उडाली आहे. या घटनेने केवळ त्यांच्या चाहत्यांनाच नव्हे तर सेलिब्रिटी आणि राजकारण्यांनाही अस्वस्थ केले आहे. सैफ लवकर बरा व्हावा अशी सर्वांची इच्छा आहे. या हल्ल्यानंतर सैफच्या घराच्या सुरक्षा व्यवस्थेवरही प्रश्न उपस्थित होऊ लागले आहेत. याचबाबत आता अभिनेत्री राखी सावंतने याप्रकरणावर आता आपले मत मांडले आहेत.
राखी सावंतने व्यक्त केली चिंता
अलिकडेच अभिनेत्री राखी सावंतने या घटनेवर चिंता व्यक्त केली आहे. एका व्हिडिओमध्ये राखीने हल्ल्याबद्दल तीव्र चिंता व्यक्त केली आहे आणि सुरक्षेबाबत प्रश्न उपस्थित केले. एएनआयने प्रसिद्ध केलेल्या व्हिडिओमध्ये राखी म्हणाली, “अरे देवा! किती वाईट बातमी आहे. सैफ अली खान, ज्यांच्यासोबत मी आधीही काम केले आहे, त्यांनी माझ्या संघर्षाच्या काळात राकेश रोशन यांच्या चित्रपटात एक गाणे केले होते. मला सैफसोबत असा अपघात होऊ शकतो असे मला कधीच वाटले नव्हते.” असे अभिनेत्रीने सांगितले आहे.
सैफ अली खाननंतर ‘या’ ८ सेलिब्रेटींचा जीव धोक्यात? सरकारकडून मिळतेय X, Y आणि Z सिक्युरिटी
सुरक्षेवर प्रश्न उपस्थित
राखीने प्रश्न उपस्थित केला आहे ती म्हणाली, “हे इमारतीचे मालक काय करतात? तुम्ही मासिक शुल्क म्हणून एवढी मोठी रक्कम आकारता आणि सीसीटीव्ही कॅमेरेही बसवू शकत नाही? ही खूप वाईट बातमी आहे. २०२५ मध्ये काय घडणार आहे? एवढ्या मोठ्या गोष्टीचे काय होणार आहे?” असा प्रश्न अभिनेत्रीला उपस्थित केला आहे.
रात्री उशिरा हल्ला झाला
ही घटना पहाटे २.३० च्या सुमारास घडली जेव्हा एका हल्लेखोराने सैफ अली खानच्या वांद्रे येथील फ्लॅटमध्ये प्रवेश केला आणि अभिनेत्याचा घरातील नोकराशी वाद झाला. सैफने घटनास्थळी पोहोचून परिस्थिती शांत करण्याचा प्रयत्न करताच, त्या माणसाने त्याच्यावर हल्ला केला. यानंतर, सैफला ताबडतोब मुंबईतील लीलावती रुग्णालयात नेण्यात आले, जिथे त्याच्यावर शस्त्रक्रिया करण्यात आली. डॉक्टरांच्या म्हणण्यानुसार, सैफच्या पाठीला गंभीर दुखापत झाली होती कारण चाकू त्याच्या मणक्यात अडकला होता. यानंतर सैफवर शस्त्रक्रिया करण्यात आली. तथापि, सैफची प्रकृती आता धोक्याबाहेर आहे. त्याला दोन-तीन दिवसांत रुग्णालयातून डिस्चार्ज मिळू शकतो.
.png "Videos"){kind=small}
