पहलगाम हल्ल्यानंतर सलमान खानने युके दौरा ढकलला पुढे, चाहत्यांनी दिल्या प्रतिक्रिया!

सलमान खानने त्याच्या अधिकृत इंस्टाग्रामवर त्याच्या यूके दौऱ्याशी संबंधित एक पोस्ट शेअर केली आहे आणि पहलगाममधील दहशतवादी हल्ल्यानंतर अभिनेत्याने हा दौरा पुढे ढकलल्याची माहिती चाहत्यांना दिली आहे.

(फोटो सौजन्य - इन्स्टाग्राम)

Follow Us:

Follow Us:

जम्मू आणि काश्मीरमधील पहलगाम येथे झालेल्या दहशतवादी हल्ल्यानंतर, बॉलिवूड सेलिब्रिटी त्यांचे आगामी कार्यक्रम सतत रद्द करत आहेत. आता सुपरस्टार सलमान खाननेही एक मोठे पाऊल उचलले आहे आणि अभिनेत्याने युके दौरा पुढे ढकलला आहे. भाईजानने त्याच्या इंस्टाग्रामवर एक पोस्ट शेअर करून ही माहिती दिली आहे. सलमान खानच्या आधी गायिका श्रेया घोषाल, बादशाह आणि अरिजीत सिंगसह अनेक स्टार्सनीही त्यांचे कार्यक्रम रद्द केले आहेत. आमिर खान त्याच्या ‘अंदाज अपना अपना’ या चित्रपटाच्या विशेष प्रदर्शनालाही उपस्थित राहिला नाही.

सलमान खानने पोस्ट केली शेअर
सलमान खानने त्याच्या अधिकृत इंस्टाग्रामवर यूके दौऱ्याशी संबंधित एक पोस्ट शेअर करून ही माहिती दिली आहे. ही पोस्ट शेअर करताना त्यांनी लिहिले की, ‘काश्मीरमधील अलिकडच्या काळात घडलेल्या दुःखद घटना लक्षात घेता आणि अत्यंत दुःखी अंतःकरणाने, आम्ही ४ आणि ५ मे रोजी मँचेस्टर आणि लंडन येथे होणारा ‘द बॉलीवूड बिग वन शो यूके’ पुढे ढकलण्याचा कठीण निर्णय घेतला आहे. तथापि, आमचे चाहते या सादरीकरणाची किती आतुरतेने वाट पाहत आहेत हे आम्हाला समजते.’ असं अभिनेत्याने म्हटले आहे.

पहलगाम दहशतवादी हल्ल्याचा मकरंद देशपांडे यांनी केला निषेध, म्हणाले ‘सरकारला पाठिंबा देण्याची गरज…’

पोस्टमध्ये पुढे लिहिले आहे की, ‘आम्हाला वाटते की या दुःखाच्या काळात हा दौरा थांबवणे योग्य आहे. कोणत्याही निराशा किंवा गैरसोयीबद्दल आम्ही मनापासून माफी मागत आहोत आणि तुमच्या समजुती आणि पाठिंब्याबद्दल आम्ही मनापासून आभारी आहोत. नवीन तारखा लवकरच जाहीर केल्या जातील.’ असे अभिनेत्याने सांगितले आहे.

चाहत्यांनी निर्णयाचे कौतुक केले
दुसरीकडे, यूके दौरा रद्द करण्याबाबतची पोस्ट समोर आल्यानंतर चाहत्यांनी सलमान खानच्या निर्णयाचे कौतुक केले आहे. दरम्यान, एका वापरकर्त्याने लिहिले, ‘चांगला निर्णय.’ दुसऱ्या एका वापरकर्त्याने लिहिले, ‘वाघ अजूनही जिवंत आहे.’ त्याच वेळी, अनेक वापरकर्ते पोस्टवर कमेंट करून आणि फायर इमोजी आणि हार्ट इमोजी शेअर करून भाईजानबद्दलचे प्रेम व्यक्त करत आहेत.

‘Kesari 2’ आणि ‘Ground Zero’ ची बॉक्स ऑफिसवर जबरदस्त टक्कर; कोण पडला कोणावर भारी?

सलमान खानच्या कामाबद्दल बोलायचे झाले तर, तो ‘सिकंदर’ चित्रपटात दिसला होता. हा चित्रपट ईदच्या निमित्ताने ३० मार्च रोजी प्रदर्शित झाला. तथापि, हा चित्रपट बॉक्स ऑफिसवर चांगली कामगिरी करू शकला नाही आणि तो फ्लॉप ठरला. या चित्रपटाची कथा आणि आणि स्टारकास्ट तगडी असूनही प्रेक्षकांच्या पसंतीस हा चित्रपट उतरला नाही.

Web Title: Salman khan postpone uk tour after pahalgam terrorist attack share post

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com