(फोटो सौजन्य - इन्स्टाग्राम)
सुप्रसिद्ध बॉलीवूड अभिनेत्री आलिया भट्ट सध्या तिच्या चित्रपटांमुळे तसेच वैयक्तिक आयुष्यामुळे चर्चेत आहे. नुकतेच, आलिया भट्ट एका कार्यक्रमाला उपस्थित राहिली होती. यादरम्यान, मंचावर घडलेल्या एका घटनेमुळे अभिनेत्रीला ट्रोलिंगचा सामना करावा लागला. आता या प्रकरणी गायिका सोना मोहपात्रा आलिया भट्टच्या समर्थनासाठी पुढे आली आहे. सोना मोहपात्राने नुकताच तिच्या इन्स्टाग्राम हँडलवरून एक व्हिडिओ शेअर केला आहे, ज्यामध्ये ती आलिया भट्टला पाठिंबा देताना दिसत आहे. गायिका सोना मोहपात्राने तिच्या व्हिडिओमध्ये काय म्हटले आहे.
सोना मोहपात्राने आलिया भट्टला दिला पाठिंबा
सोना मोहपात्रा यांच्या एका व्हिडिओमुळे अभिनेत्री आलिया भट्ट पुन्हा एकदा चर्चेत आली आहे. आपल्या इन्स्टाग्राम पोस्टमध्ये सोना मोहपात्रा म्हणाल्या, “आलिया भट्टच्या अवॉर्ड शोमधील मोनोलॉगवर मी माझे मत मांडत आहे, ज्यावर मोठ्या प्रमाणावर चर्चा होत आहे आणि तिला ट्रोल केले जात आहे. सर्वप्रथम, हे समजून घ्या की ते थेट प्रक्षेपण (लाइव्ह) होते. थेट प्रक्षेपण म्हणजे कोणतेही रिटेक नाही, कोणतेही संपादन नाही, कोणतेही फिल्टर नाही, कोणताही दुसरा विचार नाही. आणि खरं सांगायचं तर, बॉलीवूडमध्ये इतकं अस्सल काहीतरी करणं हे एक मोठं धाडस आहे.”
View this post on Instagram
तसेच त्या पुढे म्हणाल्या, “बहुतेक भारतीय कलाकार तो माइक हातात घेण्याचं धाडससुद्धा करणार नाहीत. तिने प्रयत्न केला, आणि हीच गोष्ट मुळात कौतुकास्पद आहे. दुसरं म्हणजे, प्रेक्षकांबद्दल बोलूया. जेव्हा कार्यक्रम थेट प्रक्षेपित होत असतो, तेव्हा सादरीकरण फक्त मंचावरच होत नाही. तुम्हाला प्रेक्षकांसाठी आणि तुमच्या समोर बसलेल्या सभागृहासाठी सादरीकरण करावं लागतं. ते त्यांचं कर्तव्य आहे.”
झाकीर खानसोबतच्या तुलनेबद्दल गायिका स्पष्टच म्हणाली
आलियाची झाकीरसोबत होणाऱ्या तुलनेला उत्तर देताना, गायिका म्हणाली, “तो स्टँड-अपचा मास्टर आहे. त्याला आलियासारखा अभिनय किंवा नृत्य करायला सांगा आणि तुम्हाला त्याच उत्तर मिळेल. आणि सर्वात महत्त्वाचे म्हणजे, तो बॉलीवूडच्या प्रेक्षकांसमोर होता, जे त्याचे थेट स्पर्धक नव्हते. त्यामुळे ते त्याच्याशी अधिक सौम्यपणे वागले असतील. पुढच्या वेळी, मला वाटते की आलिया आणखी चांगली कामगिरी करेल.”
स्मृती-पलाशचा पॅचअप? व्हायरल व्हिडिओनंतर चर्चांना उधाण; नेमकं सत्य काय?
नेमका काय होता ?
आलिया भट्टने सुनील सिंग ग्रोव्हरसोबत पुरस्कार सोहळ्यात एक मजेशीर वातावरण निर्माण करण्याचा प्रयत्न केला, पण तिच्या सूत्रसंचालनाचा एक व्हिडिओ सोशल मीडियावर व्हायरल झाला आहे, ज्यामुळे तिला मोठ्या प्रमाणावर ट्रोल केले जात आहे. वापरकर्त्यांचा दावा आहे की आलियाला विनोदी शैली समजत नाही आणि ती फक्त तिची नक्कल करत आहे.
