बुधवार, 21 ऑक्टोबर 2026
(फोटो सौजन्य - सोशल मीडिया)
5 डिसेंबरला बॉक्स ऑफिसवर मोठा धमाका होणार आहे. वास्तविक, अल्लू अर्जुन आणि रश्मिका मंदान्ना यांचा मोस्ट अवेटेड चित्रपट ‘पुष्पा 2’ चित्रपटगृहात प्रदर्शित होणार आहे. सुकुमार दिग्दर्शित ‘पुष्पा’ हा चित्रपट 2021 साली प्रदर्शित झाला, ज्याने कमाईचे सर्व रेकॉर्ड मोडले. या चित्रपटाच्या सिक्वेलची प्रेक्षक आतुरतेने वाट पाहत होते. अशा परिस्थितीत आता चाहत्यांची प्रतीक्षा संपणार आहे. ‘पुष्पा 2’ला टक्कर देण्यासाठी विकी कौशलचा ‘छावा’ हा चित्रपट 6 डिसेंबरला प्रदर्शित होणार होता. मात्र, आता मीडिया रिपोर्ट्सनुसार, छावाची रिलीज डेट पुढे ढकलण्यात आली आहे. अल्लू अर्जुनच्या ‘पुष्पा 2’ला मिळणाऱ्या हाईपला ‘छावा’चे निर्माते घाबरले आहेत आणि त्यामुळे त्यांनी हा निर्णय घेतला आहे, असेही समोर आलेले आहे.
‘छावा’ची रिलीज डेट पुढे ढकलली
लक्ष्मण उतेकर दिग्दर्शित ‘छावा’ हा चित्रपट यावर्षी 6 डिसेंबरला प्रदर्शित होणार होता, मात्र आता या चित्रपटाची रिलीज डेट पुढच्या वर्षी पुढे ढकलण्यात आली आहे. ट्रेड ॲनालिस्ट तरण आदर्श यांनी ही माहिती दिली आहे. ट्विटनुसार, हा चित्रपट आता पुढील वर्षी 19 फेब्रुवारीला प्रदर्शित होणार आहे. त्याने आपल्या ट्विटमध्ये लिहिले की, ‘विकी कौशल, रश्मिका मंदान्ना आणि अक्षय खन्ना यांच्या छावा या चित्रपटाची नवीन रिलीज डेट जाहीर करण्यात आली आहे. १९ फेब्रुवारीला छत्रपती शिवाजी महाराजांच्या जयंतीदिनी हा चित्रपट प्रदर्शित होणार आहे. ‘छावा’ चित्रपटात शिवाजी महाराजांचे पुत्र शंभाजी महाराज यांची कथा दाखवण्यात येणार आहे. लक्ष्मण उतेरकर दिग्दर्शित या चित्रपटाची निर्मिती दिनेश विजन यांनी केली आहे.
VICKY KAUSHAL – RASHMIKA – AKSHAYE KHANNA: ‘CHHAAVA’ NEW RELEASE DATE ANNOUNCEMENT… #Chhaava is now set for a theatrical release on 14 Feb 2025… The release date holds special significance since it coincides with Chhatrapati Shivaji Maharaj Jayanti on 19 Feb 2025. Produced… pic.twitter.com/kDMrY7RDqN — taran adarsh (@taran_adarsh) November 27, 2024
‘पुष्पा 2’ मुळे छावाच्या व्यवसाय मागे राहू शकतो
अल्लू अर्जुनच्या ‘पुष्पा 2’ या चित्रपटाला मिळणारा हाईप पाहता, हा तेलगू ॲक्शन थ्रिलर चित्रपट विकी कौशलच्या ‘पुष्पा 2’च्या व्यवसायात कसा तरी अडथळा आणेल, असे वाटत होते, त्यामुळे निर्मात्यांनी हा संघर्ष पुढे ढकलण्याचा निर्णय घेतला आहे. आणि या चित्रपटाची रिलीज डेट बदलली प्रेक्षकांना या चित्रपटाबाबत खूप उत्सुकता आहे. परंतु आता प्रेक्षकांना काही महिने आणखी प्रतीक्षा करावी लागणार आहे. हा चित्रपट चाहत्यांच्या भेटीला १९ फेब्रुवारीला येणार आहे.
विकीच्या कारकिर्दीतील पहिला ऐतिहासिक सिनेमा
या चित्रपटात विकी कौशल छत्रपती संभाजी महाराज, थोर छत्रपती शिवाजी महाराजांचे पुत्र यांच्या भूमिकेत दिसणार आहे. अशा गंभीर भूमिकांमध्ये विकी कौशलची स्टाईल चांगली दिसत आहे. चाहत्यांना त्याचा हा नवा लुक आणि भूमिका आवडली आहे. यापूर्वी अभिनेत्याने सॅम बहादूरमध्ये भारताचे पहिले फिल्ड मार्शल सॅम माणेकशॉ यांची भूमिका साकारली होती. हा एक बायोपिक चित्रपट होता आणि विकीच्या व्यक्तिरेखेचे खूप कौतुक झाले होते. आता ‘छावा’च्या माध्यमातून अभिनेता पहिल्यांदाच ऐतिहासिक चित्रपटात काम करणार आहे. या चित्रपटाबद्दल अभिनेत्याचे चाहते आधीच खूप उत्सुक आहेत. विकीही हा चित्रपट त्याच्या करिअरसाठी खूप खास चित्रपट मानतो.
