‘कंट्रोल नसणारे… ते कंट्रोल असणारे दोघे!’ हेमंत ढोमेची अमेय वाघसाठी खास पोस्ट, सांगितली १८ वर्षांपूर्वीची आठवण

‘फसक्लास दाभाडे’ चित्रपटाच्यानिमित्त दिग्दर्शक हेमंत ढोमेने अभिनेता अमेय वाघसाठी स्पेशल पोस्ट शेअर केली आहे. हेमंतने अमेयसोबतचा १८ वर्षे जुना फोटो शेअर करत त्याच्याबद्दल खास पोस्ट लिहिलेली आहे.

फोटो सौजन्य: हेमंत ढोम इन्स्टाग्राम

Follow Us:

Follow Us:

लोकप्रिय अभिनेता, दिग्दर्शक आणि निर्माता हेमंत ढोमे सध्या ‘फसक्लास दाभाडे’ चित्रपटामुळे कमालीचा चर्चेत आहे. त्याचा हा चित्रपट देशासह जगभरात २४ जानेवारी २०२५ ला रिलीज झालेला आहे. बॉक्स ऑफिसवर चित्रपटाला प्रेक्षकांचा जबरदस्त प्रतिसाद मिळताना दिसत आहे. हेमंत ढोमे दिग्दर्शित ‘फसक्लास दाभाडे’ चित्रपटात अभिनेता सिद्धार्थ चांदेकर, अमेय वाघ, क्षिती जोग, निवेदिता सराफ, राजसी भावे, मिताली मयेकर, हरीश दुधाडे अशी तगडी स्टारकास्ट प्रमुख भूमिकेत आहे. ‘फसक्लास दाभाडे’ चित्रपटाच्यानिमित्त दिग्दर्शक हेमंत ढोमेने अभिनेता अमेय वाघसाठी स्पेशल पोस्ट शेअर केली आहे. हेमंतने अमेयसोबतचा १८ वर्षे जुना फोटो शेअर करत त्याच्याबद्दल खास पोस्ट लिहिलेली आहे.

हल्ल्यानंतर सुप्रसिद्ध स्टँडअप कॉमेडियन प्रणित मोरेचा पहिला व्हिडीओ समोर, खंत व्यक्त करत केली ‘ही’ मागणी

 

View this post on Instagram

 

A post shared by Hemant Dhome | फसक्लास ढोमे (@hemantdhome21)

अभिनेता आणि दिग्दर्शक हेमंत ढोमे शेअर केलेल्या पोस्टमध्ये लिहितो,

“कंट्रोल नसणारे… ते कंट्रोल असणारे दोघे!

२००६ साली म्हणजे बरोबर १८ वर्षांपूर्वी आपण दोघांनी एकत्र काम केलं होतं ‘लूज कंट्रोल’ या आपल्या नाटकात आणि त्यानंतर आज ‘फसक्लास दाभाडे’ला आपण पुन्हा एकत्र आलो चित्रपटात!

मधल्या काळात काय काय घडून गेलं… तुझा प्रचंड इन्स्पायर करणारा प्रवास मी प्रेमाने आणि अभिमानाने बघत होतो…

आपण जेव्हा जेव्हा एकत्र आलो तेव्हा वेगळं काहीतरी करण्याचा प्रयत्न केला…  लोकांना आनंद देण्याचा प्रयत्न केला! आपण कंट्रोल लूज करून जे काही केलं ते फसक्लासंच केलं आणि लोकांना लक्षात राहिल असंच काम केलं!

अमुडी आता मधला १८ वर्षांचा काळ भरून काढायचांय, खूप काम करायचंय!
तुझ्या कामातला अफाट प्रामाणिक पणा आणि माझी जिद्द या जोरावर आपण काहीतरी constructive घडवू एवढं नक्की!

माझ्या प्रेमळ, येड्या आणि तितक्याच innocent सोनू ला तू पडद्यावर साकारलंस आणि नुसतं साकारलं नाहीस तर ‘तोडलंस’ त्या बद्दल तुला घट्ट मिठी आणि खूप प्रेम!

बाकी आता एकत्र रहायचं, मग सग्गळं होतंय आपोआप!
तू Superstar आहेस आणि कायम राहणार! LOVE YOU! “

“रांझा तेरा हीरिये…”; व्हॅलेंटाईन वीकमध्ये प्रदर्शित होणार आणखी एक नवीन रोमँटिक गाणं

हेमंत ढोमेची पोस्ट आणि दोघांचाही १८ वर्षे जुना फोटो पाहून अनेक सेलिब्रिटींनी आणि नेटकऱ्यांनीही कमेंट करुन त्यांची पसंती दिली आहे. वैदेही परशुरामी म्हणते, ‘किती गोड, हृदयस्पर्शी पोस्ट! खूप चांगले मित्र राहा कायमच…’ तर चाहते म्हणतात, ‘बरेच जुने मित्र दिसताय’, ‘कोवळी पोरं ते प्रतिष्ठित कलाकार… What a Journey !!’, ‘खरंच तोडलंय अमेयने !!’ अशा कमेंट्स करुन नेटिझन्सने अमेय-हेमंत यांच्या आजवरच्या प्रवासाला दाद दिली असून दोघांना पुढील वाटचालीसाठी शुभेच्छा दिल्या आहेत.

Web Title: Fussclass dabhade movie actor amey wagh and hemant dhome 18 years ago photo viral on social media see pics

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com