किंग खानचा बॉक्स ऑफिसवर दबदबा कायम, रिलीजनंतर 25 दिवसांमध्ये ‘जवान’ची 600 कोटींची कमाई..

शाहरुख खानच्या जवान सिनेमाची बॉक्स ऑफिसवरची घोडदौड अजूनही कायम आहे. सिनेमा रिलीज होऊन तब्बल 25 दिवस झालेत. तरीही बॉक्स ऑफिसवर किंग खानचा जलवा आहे. जवान सिनेमाने आतापर्यंत तब्बल 600 कोटींची कमाई केली आहे.

Jawan Box office Collection Day 25 : बॉलिवूडचा किंग खान अर्थातच शाहरुख खानच्या (Shah Rukh Khan) जवान (Jawan) सिनेमाने पठाणलाही (Pathan movie) मागे टाकलंय. 25 दिवस उलटूनही सिनेमाची क्रेझ कायम आहे. पहिल्या दिवसापासूनच जवानने बॉक्स ऑफिसवर नवेनवे रेकॉर्ड करायला सुरुवात केली. रिलीज झाल्यानंतरच्या चौथ्या रविवारी या सिनेमाने दणदणीत कमाई करत 600 कोटींचा टप्पा पार केला आहे. (jawan movie box office collection day 25 details of collection shahrukh khan nayantara movie nrsa)

बॉलिवूडच्या बादशाहची क्रेझ आजही त्याच्या चाहत्यांमध्ये आहे, दिवसेंदिवस शाहरुखची क्रेझ आणखीन वाढताना दिसत आहे. जवान रिलीज झाल्यापासूनचा हा चौथा आठवडा आहे. मात्र, बॉक्स ऑफिसवर सिनेमा धुमाकूळ घालत आहे. भारतात आतापर्यंत 612.82 कोटींची कमाई सिनेमाने केली आहे. तर जगभरात 1084 कोटींचा गल्ला कमावल्याचं सांगण्यात येत आहे.

जाणून घेऊया ‘जवान’चं बॉक्स ऑफिस कलेक्शन

पहिल्या आठवड्यात 389.88 कोटींची कमाई सिनेमाने केली. दुसऱ्या आठवड्यात 136.1 कोटी, तिसऱ्या आठवड्यात 55.92 कोटींची कमाई सिनेमाने केली. चौथ्या आठवड्यातही सिनेमाची घोडदौड सुरूच आहे.

पहिला दिवस : 75 कोटी
दुसरा दिवस : 53.23 कोटी
तिसरा दिवस : 77.83 कोटी
चौथा दिवस : 80.1 कोटी
पाचवा दिवस : 32.92 कोटी
सहावा दिवस : 26 कोटी
सातवा दिवस : 23.2 कोटी
आठवा दिवस : 21.6 कोटी
नववा दिवस : 19.1 कोटी
दहावा दिवस : 31.8 कोटीट
अकरावा दिवस : 36.85 कोटी
बारावा दिवस : 16.25 कोटी
तेरावा दिवस : 14.4 कोटी
चौदावा दिवस : 9.6 कोटी
पंधरावा दिवस : 8.1 कोटी
सोळावा दिवस : 7.6 कोटी
सतरावा दिवस : 12.25 कोटी
अठरावा दिवस : 14.95 कोटी
एकोणिसावा दिवस : 5.4 कोटी
विसावा दिवस : 4.9 कोटी
एकविसावा दिवस : 4.85 कोटी
बाविसावा दिवस : 5.97 कोटी
तेवीसावा दिवस : 5.5 कोटी
चोवीसावा दिवस : 8.5 कोटी
पंचवीसावा दिवस : 9.37 कोटी
एकूण कमाई : 612.82 कोटी

25 दिवसांमध्ये 600 कोटींचा गल्ला कमावत सिनेमाने इतिहास रचला आहे. आता सिनेमा जगभरात किती गल्ला कमावणार हे पाहायचं. जवानचं दिग्दर्शन एटली कुमार (Atlee Kumar) यांनी केलं आहे.

‘जवान’चा धुमाकूळ

जवान सिनेमात शाहरुख खानसह विजय सेतुपती (Vijay Sethupathi), नयनतारा (Nayanthara), सान्या मल्होत्रा (Sanya Malhotra), प्रियामणी (Priyamani) यांच्या महत्त्वपूर्ण भूमिका आहेत. तर संजय दत्त आणि दीपिका पदुकोण या सिनेमात महत्त्वपूर्ण भूमिकेत दिसत आहेत. एकाहून एक सरस आणि तगडी स्टारकास्ट असलेला हा सिनेमा बॉक्स ऑफिसवर त्याचा जलवा दाखवत आहे. यापुढे हा सिनेमा आणखी कोणते नवीन विक्रम रचणार याचीच साऱ्यांना उत्सुकता आहे.