मंगळवार, 20 ऑक्टोबर 2026
(फोटो सौजन्य- इन्स्टाग्राम)
अभिनेत्री मानसी नाईकचा EX नवरा प्रदीप खरेरा दुसऱ्यांदा लग्नबंधनात अडकला आहे. मानसीशी १९ जानेवारी २०२१ रोजी लग्न केल्यानंतर त्यांच्या नात्यात काही महिन्यांतच दुरावा आला आणि दोन वर्षांपूर्वी घटस्फोट झाला. आता प्रदीपचा सोशल मीडिया स्टार विशाखासोबत साखरपुडा झाला असून त्याच्या साखरपुड्याचे आणि लग्नाचे व्हिडिओ सध्या सोशल मीडियावर व्हायरल होत आहेत.. गेल्या काही महिन्यांपासून त्यांच्या डेटिंगच्या चर्चांनंतर त्यांनी एकत्र म्युझिक अल्बमही रिलीज केले होते, आणि अलीकडेच त्यांनी नवा टप्पा सुरू केला आहे. त्याच्या लग्नाचे फोटो व व्हिडीओ सोशल मीडियावर व्हायरल झाले आहेत. प्रदीप खरेराने विशाखा हिच्याशी लग्न केलं आहे.
प्रदीप खरेरा आणि विशाखा हे दोघे २७ नोव्हेंबर रोजी विवाहबंधनात अडकले. प्रदीपने लग्नाचे काही फोटो आणि व्हिडीओ सोशल मीडियावर पोस्ट केले आहेत.
कोण आहे प्रदीप खरेरा?
प्रदीप खरेरा हा व्यावसायिक बॉक्सर असून तो मॉडेलिंग क्षेत्रातही सक्रिय आहे. सोशल मीडियावर तो एक इन्फ्लुएन्सर म्हणून ओळखला जातो. त्याच्या अकाउंटवर बॉक्सिंगचे सराव, मॉडेलिंग फोटोशूट आणि फिटनेसबाबतचे अनेक व्हिडिओ पाहायला मिळतात.प्रदीप आणि विशाखा जाटनी यांचा जुलै २०२४ मध्ये साखरपुडा झाला होता. त्यानंतर आता दोघांनी लग्न केल्याचे फोटो आणि व्हिडीओ सोशल मीडियावर व्हायरल झाले आहेत.
कोण आहे विशाखा जाटनी?
विशाखा जाटनी, खरे नाव विशाखा पनवर, ही एक प्रसिद्ध सोशल मीडिया इन्फ्लुएन्सर आहे.तिच्या इन्स्टाग्राम अकाउंटवर सुमारे सात मिलियन फॉलोअर्स असून ती सोशल मीडियावर सक्रिय असते. तिने बॉक्सर-मॉडेल प्रदीप खरेरासोबत “सेल्फी” नावाचं गाणंही एकत्र सादर केले आहे.विशाखा सोशल मीडियावर मुख्यतः फॅशन, लाइफस्टाइल आणि एंटरटेनमेंट संबंधित कंटेंट शेअर करते, ज्यामुळे ती युवा वर्गामध्ये लोकप्रिय आहे.
View this post on Instagram
सोशल मीडियात चर्चा
प्रदीप-विशाखा यांच्या लग्नाचे फोटो आणि व्हिडीओ शेअर केल्यानंतर सोशल मीडियेत मोठी चर्चा सुरू झाली आहे. अनेक फॅन्स आणि चाहत्यांनी त्यांच्या नव्या जोडीला शुभेच्छा दिल्या आहेत. यामुळे मानसी नाईक आणि प्रदीप यांच्या पूर्वीच्या नात्याबाबतच्या चर्चाही पुन्हा चर्चेत आली आहे.
अभिनेत्री मानसी नाईकने बॉक्सर प्रदीप खरेरा सोबत २०२१ मध्ये लग्नगाठ बांधली होती. थाटामाटात त्या दोघांचा विवाह पार पडला होता. हळद, मेहंदी आणि लग्न असा तीन दिवसांचा सोहळाच साजरा करण्यात आला होता. त्यानंतर काही महिन्यांतच ते विभक्त झाले
