वरुण धवनच्या 'बेबी जॉन'चा ट्रेलर शाहरुख खानला कसा वाटला? म्हणाला- "चित्रपट पाहण्यासाठी उत्सुक..."
सध्या सोशल मीडियावर वरुण धवनच्या ‘बेबी जॉन’चित्रपटाची जोरदार चर्चा सुरू आहे. चित्रपटाच्या ट्रेलरने प्रेक्षकांची उत्सुकता कमालीची ताणून धरलेली आहे, तशीच उत्सुकता इंडस्ट्रीतल्या इतर कलाकारांचीही ट्रेलरने उत्सुकता ताणलीये. बॉलिवूड अभिनेता शाहरूख खानने ‘बेबी जॉन’चा ट्रेलर पाहिलाय. ट्रेलर पाहिल्यानंतर किंग खानने सोशल मीडियावर एक्स पोस्ट शेअर करत चित्रपटाचे कौतुक केले आहे.
‘बेबी जॉन’च्या ट्रेलरबद्दल शाहरूख खानने लिहिलेय की, “किती छान ट्रेलर आहे. सर्वच कलाकारांनी चित्रपटात खूप छान काम केलंय. ट्रेलर पाहिल्यापासून मी चित्रपट पाहण्यासाठी खूपच आतुर आहे. कलिस तुझा ‘बेबी जॉन’ चित्रपट संपूर्ण तुझ्यासारखाच उर्जा आणि उत्साहाने परिपूर्ण असणार यात शंका नाही. ॲटली आता निर्माता म्हणून तुझा विजय होवो, तू यशस्वी होशील अशी आशा… तुझ्यावर खूप खूप प्रेम… वरूण धवन तुला या अंदाजात पाहून मला खूप आनंद झाला. खूप जबरदस्त दिसतोय जग्गु दा… किर्ती सुरेश, वामिका गब्बीसह संपूर्ण टीमला खूप साऱ्या शुभेच्छा… हा चित्रपट म्हणजे एन्टरटेन्मेंटचं संपूर्ण पॅकेज आहे.”
What an exciting trailer. Well done really looking forward to seeing the film….@kalees_dir your #BabyJohn is everything like u. Energetic and full of action. @Atlee_dir go forth and conquer now as a producer. Love u. @Varun_dvn I am so happy to see u like this, all tough.… — Shah Rukh Khan (@iamsrk) December 9, 2024
‘बेबी जॉन’ चित्रपटाच्या पोस्टर आणि टीझरनंतर आता ट्रेलरनेही प्रेक्षकांचं लक्ष वेधलं आहे. ट्रेलरच्या सुरुवातीला बाप लेकीच्या सीन्सने सुरूवात होते. वरुण धवन चित्रपटात वेगवेगळ्या भूमिकांमध्ये पाहायला मिळत आहे. केव्हा पोलिस अधिकाऱ्याच्या, केव्हा एका वडीलाच्या, तर केव्हा एका प्रेमी युगलाच्या… तर वरुण धवनच्या विरोधात आपल्याला जॅकी श्रॉफ एका खलनायकाच्या भूमिकेतून पाहायला मिळणार आहे. ३ मिनिट ६ सेकंदाच्या ट्रेलरने प्रेक्षकांची उत्सुकता कमालीची ताणून धरली आहे. प्रेम, त्याग आणि अन्यायाविरोधात लढा देणारा वरुण धवन चित्रपटात धाडसी पोलिस अधिकाऱ्याच्या भूमिकेत दिसणार आहे. त्याचा हा लूक प्रेक्षकांना पहिल्यांदाच दिसणार आहे.
अभिनेता संजय दत्तनंतर या अभिनेत्रीची झाली एन्ट्री, टायगरसह दिसणार रोमँटिक अंदाजात!
धाडसी पोलिस अधिकारी म्हणून अभिनेता बलात्कार पीडितांना न्याय मिळवून देताना पाहायला मिळणार आहे. तो त्याच्या मुलीच्या रक्षणासाठी कोणत्या थराला जाऊ शकतो, हे प्रेक्षकांना ट्रेलरमध्ये पाहायला मिळेल. वरुण धवन आणि जॅकी श्रॉफ यांच्यात कशा प्रकारे ॲक्शन होते, हे आपल्याला चित्रपट पाहिल्यावरच कळेल. ट्रेलरच्या शेवटी सलमान खानची झलक पाहायला मिळेल. त्याचा चेहरा अगदी स्पष्ट दिसत नाही, अभिनेत्याचा झाकलेला चेहरा असून सलमान आणि वरुण दोघंही गुंडांशी मारामारी करताना दिसत आहेत. ट्रेलरच्या शेवटी त्याच्या आवाजात ‘मेरी ख्रिसमस’ ऐकू येतंय. ॲक्शन सीन्सने, काही भावनिक सीन्सने शिवाय बॅकग्राऊंड म्युझिकनेही प्रेक्षकांच्या मनावर ठाव घेतला आहे.
ज्येष्ठ संगीतकार ए. आर. रहमानचे संगीताने आणि त्यांच्या बॅकग्राऊंड म्युझिकने (BGM)ट्रेलरला आणखी एका वेगळ्याच पातळीवर घेऊन जात आहे. ज्यामुळे प्रेक्षक चित्रपट पाहण्यास अधिक उत्सुक आहेत. वरुण धवनची धमाकेदार एंट्री आणि वामिका गब्बीसोबतच्या त्याच्या अप्रतिम डान्स मूव्ह्ससह यापूर्वी रिलीज झालेल्या चार्ट-बस्टर गाण्यातील ‘नैन मटक्का’ हे देखील ट्रेलर लॉन्च इव्हेंटचे मुख्य आकर्षण होतं. ‘बेबी जॉन’ चित्रपटात प्रमुख भूमिकेत वरुण धवन, कीर्ती सुरेश, वामिका गब्बी, जॅकी श्रॉफ आणि राजपाल यादव आहेत. मुराद खेतानी, प्रिया अटली आणि ज्योती देशपांडे निर्मित, ‘बेबी जॉन’ हा एक मोठा सिनेमॅटिक अनुभव आहे जो तुम्ही चुकवू शकत नाही. कॅलिस दिग्दर्शित हा चित्रपट 25 डिसेंबर 2024 रोजी थिएटरमध्ये प्रदर्शित होणार आहे.
.png "Videos"){kind=small}
