चार वर्षांनंतर विद्या बालनचा चित्रपट लवकरच भेटीला….बॉबी जासूसनंतर ‘नियत’ सिनेमात विद्या पुन्हा दिसणार डिटेक्टीव्ह भूमिकेत

गेल्या चार वर्षांपासून विद्या बालनचा एकही चित्रपट चित्रपटगृहात प्रदर्शित झालेला नाही. 2019 मध्ये तिचा 'मिशन मंगल' हा चित्रपटगृहात प्रदर्शित झाला होता. त्यानंतर तिचा एकही चित्रपट थिएटरमध्ये रिलीज झाला नाही. आता विद्या बालन नीयत या चित्रपटाच्या माध्यमातून चार वर्षानंतर रुपेरी पडद्यावर पुनरागमन करणार आहे...विद्याच्या या नव्या चित्रपटाची सर्वांनाच उत्सुकता आहे....

Neeyat First Look: बॉलिवूडमधील प्रसिद्ध अभिनेत्री  विद्या बालन (Vidya Balan) नेहमीच आपल्या अभिनयाने प्रेक्षकांची मनं जिंकतं आली आहे.  विद्याच्या आगामी चित्रपटांची प्रेक्षक उत्सुकतेने वाट बघत होते. लवकरच विद्याचा  ‘नीयत’ (Neeyat) हा चित्रपट प्रेक्षकांच्या भेटीस येणार आहे. या चित्रपटाचं टीझर आणि पोस्टर नुकतचं रिलीज करण्यात आला आहे. विद्याने भूल भूलैय्या, कहानी,डर्टी पिक्चर, नो वन किल्ड जेसिका,शेरनी अशा चित्रपटांमधून तिने आपल्या अभिनयाची वेगळी छाप पाडली होती.

विद्यानं सोशल मीडियावर नीयत चित्रपटाचा टीझर आणि पोस्टर शेअर केलं आहे. यामधील विद्याच्या लूकनं अनेकांचे लक्ष वेधलं आहे. नीयत हा एका मर्डर मिस्ट्रीवर आधारित सिनेमा आहे. नीयत चित्रपटाचं पोस्टर शेअर करुन विद्यानं कॅप्शनमध्ये लिहिलं, ही आहे मीरा राव, क्लासिक मर्डर मिस्ट्रीचा नॉट सो क्लासिक डिटेक्टिव्ह. नीयत 7 जुलैला थिएटरमध्ये रिलीज होणार आहे.’

See more

Neeyat – नीयत चित्रपटाचा टीझर देखील विद्याने शेअर केला आहे. या टीझरला तिने Today’s Weather Forecast: Cloudy with a chance of murder! असं कॅप्शन दिलं आहे… रहस्य आणि विविध हेतूंचं जग या चित्रपटाच्या निमित्ताने तुमच्या भेटीस येणार आहे.

See more

नीयत चित्रपटाचं दिग्दर्शन अनु मेनन यांनी केलं आहे. या चित्रपटात राम कपूर, राहुल बोस, नीरज काबी, शहाना गोस्वामी, अमृता पुरी, दीपानिता शर्मा, प्राजक्ता कोळी, शशांक अरोरा  हे कलाकार देखील प्रमुख भूमिकाही पाहायला मिळतील. विक्रम मल्होत्रा ​​यांनी या चित्रपटाची निर्मिती केली आहे.

नीयत चित्रपटात विद्या ही एका डिटेक्टिव्हची भूमिका साकारणार आहे.  याआधी 2014 मध्ये रिलीज झालेल्या ‘बॉबी जासूस’ या चित्रपटात विद्याने डिटेक्टिव्हची भूमिका साकारली होती.