आदिती राव हैदरी आणि सिद्धार्थचे झाले लग्न, पहा जोडप्यांचे लक्षवेधी फोटोज!

आदिती राव हैदरी आणि सिद्धार्थने ४०० वर्ष जुन्या मंदिरात लग्न केले आहे. या जोडप्याच्या लग्नाचे फोटो सोशल मीडियावर समोर येताच चाहते खूप खुश झाले आहेत.

आदिती राव हैदरी आणि सिद्धार्थ यांनी त्यांच्या लग्नाचा अल्बम सोशल मीडियावर शेअर केला आहे. यामध्ये आदिती राव हैदरी आणि सिद्धार्थ एकत्र खूप आनंदी दिसत आहेत.

अदिती राव हैदरी आणि सिद्धार्थ यांनी फोटोंसोबत लिहिले, 'तुम्ही माझा सूर्य, चंद्र आणि माझे सर्व तारे आहात... अनंत काळासाठी सोबत राहा... हसण्यासाठी, शाश्वत प्रेमासाठी, प्रकाश आणि जादूसाठी ... सौ. अदू-साधू.' असे लिहून अभिनेत्रीने ही पोस्ट शेअर केली आहे.

अदिती राव हैदरीने लग्नात पारंपारिक दक्षिण भारतीय लेहेंगा परिधान केला होता. त्याचवेळी सिद्धार्थने लग्नात धोती-कुर्ता परिधान केला होता. दोघांचाही पोशाख खूप सुंदर आणि आकर्षित दिसत होता.

आदिती राव हैदरी आणि सिद्धार्थ खूप दिवसांपासून एकमेकांना डेट करत होते. आता आदिती राव हैदरी आणि सिद्धार्थने त्यांच्या नात्याला एक नाव दिले आहे. अदिती आणि सिद्धार्थने आधीच साखरपुढा केला होता. या दोघांच्या एंगेजमेंटनंतर चाहते त्यांच्या लग्नाची आतुरतेने वाट पाहत होते.

आदिती राव हैदरी आणि सिद्धार्थ अनेकदा त्यांचे रोमँटिक फोटो शेअर करत असतात. परंतु या जोडप्याचे चाहते त्याच्या लग्नाच्या छायाचित्रांची वाट पाहत होते आणि आता अखेर ही प्रतीक्षा संपली आहे.