शंकराचा ‘हा’ अवतार महाभारतात होता योद्धा! वडिलांच्या नावानेच थरथरत होते संपूर्ण सैन्य

त्याचे वडील द्रोणाचार्य आणि आई कृपी यांनी भगवान शंकराची आराधना करून त्यांना प्रसन्न केले आणि वर म्हणून त्यांच्यासारखाच एक पुत्र मागितला.

प्रसन्न शंकराने त्यांचा अंश लीला म्हणून कृपीच्या पदरात दिला आणि अश्वत्थामाचा जन्म झाला. अश्वत्थामा एक असा योद्धा होता, ज्याचे पराक्रम अजूनही ऐकले जातात.

अश्वत्थामाने महाभारतात नक्कीच कौरवांच्या बाजूने लढा दिला कारण त्याचे वडीलही कौरवांचे सेनापती राहिले होते आणि प्रमुख भूमिका बजावली होती.

शेवटी, अश्वत्थामाच्या एका चुकीमुळे त्याला चिरंजीवी रूप प्राप्त झाले. तो जरी अमर झाला तरी तो सतत वेदनांनी व्यापलेला असतो आणि त्रासात असतो.

अश्वत्थामाने अभिमन्यूची पत्नी उत्तराला गर्भावस्थेत मारण्याचा प्रयत्न केला, जेणेकरून पांडवांची संतती नष्ट होईल आणि ते ही युद्धानंतर! त्या अधर्मामुळे भगवान श्री कृष्णाने वेदनेने व्यापलेले असे अमरत्व दिले आणि चिरंजीवी घोषित केले.