उच्च रक्तदाबाच्या समस्येवर नियंत्रण मिळवण्यासाठी आहारात करा ‘या’ बियांचा समावेश, रक्तदाब राहील नियंत्रणात

तुळशीच्या बियांमध्ये भरपूर प्रमाणात अँटीऑक्सिडंट आढळून येतात, ज्यामुळे शरीराला आलेली सूज कमी होऊन आरोग्य सुधारते.

उच्च रक्तदाबाची समस्या उद्भवल्यानंतर आरोग्य बिघडू लागते. त्यामुळे रोजच्या आहारात सूर्यफुलाच्या बियांचे सेवन करावे. यामध्ये विटामिन ई आणि सेलेनियम भरपूर प्रमाणात आढळून येते.

चिया सीड्सचे सेवन केल्यामुळे रक्तातील साखरेची पातळी नियंत्रणात राहते आणि उच्च रक्तदाबाची समस्या उद्भवत नाही. यामध्ये आढळून येणारे फायबर आणि ओमेगा-३ फॅटी ॲसिड शरीरासाठी आवश्यक आहेत.

भोपळ्याच्या बियांमध्ये मुबलक प्रमाणात मॅग्नेशियम आणि झिंक आढळून येते. यामुळे हृदयाचे आरोग्य निरोगी राहते. भोपळ्याच्या बियांचे सेवन केल्यामुळे शरीराची रोगप्रतिकारशक्ती सुधारण्यास मदत होते.

अंबाडीच्या बियांचे सेवन केल्यामुळे उच्च रक्तदाबाची समस्या कमी होते आणि आराम मिळतो. अंबाडीच्या बियांमध्ये ओमेगा-३ फॅटी ॲसिड मुबलक प्रमाणात आढळून येते, ज्यामुळे शरीराच्या रक्तवाहिन्या निरोगी राहतात.