हल्ली जिमला जाणारी प्रत्येक मुलं नियमित बाजारात उपलब्ध असलेल्या प्रोटीन सप्लीमेंटचे सेवन करतात. बॉडी बनवण्यासाठी दिवसभरातून एकदा किंवा दोनदा प्रोटीन सप्लीमेंट दुधात किंवा पाण्यात मिक्स करून प्यायले जाते. प्रोटीनचे सेवन केल्यामुळे शरीराला आवश्यक प्रमाणात प्रथिने मिळतात. यामुळे स्नायू, हाडे आणि ऊतींच्या निर्मिती, दुरुस्तीसाठी प्रथिने आवश्यक असतात. पण जास्त प्रमाणात प्रथिनांचे सेवन केल्यास शरीराला गंभीर धोका निर्माण होऊ शकतो. चला तर जाणून घेऊया गरजेपेक्षा जास्त प्रोटीन घेतल्यास शरीराला कोणती हानी पोहचते. (फोटो सौजन्य – istock)
गरजेपेक्षा जास्त प्रमाणात प्रोटीन पावडरचे सेवन केल्यास शरीरावर होतील 'हे' गंभीर परिणाम, किडनी होईल निकामी
अतिप्रमाणात प्रोटीनचे सेवन केल्यामुळे पचनक्रिया बिघडणे, मूत्रपिंडावरील दाब, पाण्याची कमतरता आणि शरीराच्या संतुलनावर गंभीर परिणाम दिसून येतात. यामुळे वाढलेले वजन कमी होण्याची शक्यता असते.
गॅस, बद्धकोष्ठता, अपचन किंवा अतिसार इत्यादी लक्षणे शरीरात दिसू लागल्यास प्रोटीन सप्लिमेंट्स घेणे बंद करावे. अन्यथा पचनासंबंधित गंभीर समस्या उद्भवून आरोग्य बिघडू शकते.
प्रथिने पचन होण्यासाठी पाण्याची जास्त आवश्यकता असते. त्यामुळे काहीवेळा डिहायड्रेशनचा धोका वाढतो. शरीरात पाण्याची कमतरता निर्माण झाल्यास थकवा, अशक्तपणा वाढतो.
प्रथिनांचे अतिसेवन केल्यामुळे किडनी निकामी होऊन मूत्रपिंडावर जास्तीचा तणाव येतो. कारण यामध्ये साखर, फ्लेवर्स, कृत्रिम घटक किंवा त्याहूनही जास्त कॅलरी आढळून येतात.
वजन वाढवण्यासाठी कधीच कोणत्याही रासायनिक घटकांचा वापर करून बनवलेल्या सप्लिमेंटचे सेवन अजिबात करू नये. यामुळे मूत्रपिंड, यकृत किंवा पचनक्रियेशी संबंधित जुनाट समस्या उद्भवतात.
