लग्न सोहळ्यात नव्या नारीच्या हातामध्ये हिरव्या बांगड्या घालणे अतिशय शुभ मानले जाते. हिरवा रंग सौंदर्य, समृद्धी आणि वैवाहिक सुखाचे प्रतीक आहे.हा रंग जीवनात सकारात्मकता आणि नवीन ऊर्जा निर्माण करतो. लग्नाआधी नवरीच्या हातामध्ये हिरव्या रंगांच्या बांगड्यांचा चुडा भरला जातो. मात्र बऱ्याचदा हिरव्या बांगड्या कशा पद्धतीने स्टाईल कराव्यात हेच सुचत नाही. हिरव्या रंगाच्या बांगड्यांमध्ये मोती किंवा सोन्याच्या बांगड्या घातल्या जातात. या बांगड्यांमुळे हातांची शोभा वाढते. हिरव्या बांगड्यांना सौभाग्याचे प्रतीक मानले जाते आणि त्या विवाहित स्त्रियांच्या सुखी वैवाहिक जीवनासाठी घातल्या जातात.(फोटो सौजन्य – pinterest)
'या' पद्धतीने स्टाईल करा लग्नातील हिरव्या बांगड्यांचा सेट, नऊवारीसह इतर सर्वच साड्यांवर दिसेल आकर्षक लुक
लग्नातील चुडा भरताना तुम्ही हिरव्या बांगड्यांच्या मध्ये सोन्याचे गोठ किंवा तोडे घालू शकता. यामुळे हात भरलेले दिसतील आणि हातांची शोभा वाढेल.
नऊवारी साडीवर पारंपरिक आणि मराठमोळा लुक हवा असेल तर तुम्ही हिरव्या बांगड्यांच्या मध्ये मोत्याच्या नाजूक साजूक बांगड्या घालू शकता. मोत्याचे तोडे हिरव्या बांगड्यांच्या पुढे घालावेत.
काहींना फक्त हिरव्या बांगड्या घालायला खूप जास्त आवडतात. अशावेळी तुम्ही या पद्धतीने तुमचा हिरवा चुडा स्टाईल करू शकता.
साखरपुड्याच्या दिवशी नव्या नवरीच्या हातामध्ये बांगड्या घातल्या जातात. हिरव्या बांगड्यांच्या मध्ये तुम्ही सोनं, मोती किंवा कुंदन वर्क केलेले कडे घालू शकता.
जास्त बांगड्या हातामध्ये नको असेल्या या पद्धतीने तुम्ही हिरव्या बांगड्या घालू शकता. हिरव्या बांगड्यांच्या पुढे एक गोठ किंवा कडा घातल्यास सुंदर लुक दिसेल.
