रविवार, 18 ऑक्टोबर 2026
आयपीएल 2025 चा हा सिझन आता संपला आहे, या सिझनमध्ये राॅयल चॅलेंजर्स बंगळुरुच्या हाती ट्राॅफी लागली आणि त्यांचा 18 वर्षाचा दुष्काळ संपला. पण या सिझनमध्ये गुजरात टायटन्सच्या गोलंदाजांनी आणि फलंदाजांचे वर्चस्व पाहायला मिळाले हे मात्र खरे. या सिझनमध्ये ऑरेंज कॅप हि साई सुदर्शन याने जिंकली तर पर्पल कॅप प्रसिद्ध कृष्णा याने नावावर केली आहे. हे दोन्ही खेळाडू एकाच संघाचे आहेत. हे आयपीएलमध्ये पहिल्यांदाच घडले नाही. असे अनेक वेळा मागील सिझनमध्ये देखील झाले आहे यासंदर्भात जाणून घ्या.
आयपीएलच्या एकाच सिझनमध्ये ऑरेंज कॅप आणि पर्पल कॅप जिंकणारे एकाच संघातील खेळाडू.
2013 मध्ये चेन्नई सुपर किंग्सच्या संघाने ऑरेंज कॅप आणि पर्पल कॅपवर कब्जा केला होता. यामध्ये ऑरेंज कॅप मायकेल हसी याने जिंकली होती तर पर्पल कॅप डेव्हाॅन ब्रावो याने नावावर केली होती. फोटो सौजन्य : X
2017 मध्ये सनरायझर्स हैदराबादचा डेव्हिड वॉर्नर याने ऑरेंज कॅप नावावर केली होती त्याचबरोबर भुवनेश्वर कुमार याने पर्पल कॅप जिंकली होती. फोटो सौजन्य : X
2022 मध्ये आयपीएलमध्ये ऑरेंज कॅप ही जोस बटलर याने जिंकली होती तर पर्पल कॅप ही युजवेंद्र चहल याने नावावर केली होती. फोटो सौजन्य : X
2023 मध्ये गुजरात टायटन्सचा आत्ताचा कर्णधार शुभमन गिल याने ऑरेंज कॅपवर नाव कोरल होत तर पर्पल कॅप वर मोहम्मद शमी याने शिक्कामोर्तब केला होता.
आयपीएल 2025 च्या सीझनमध्ये गुजरात टायटन्सच्या फलंदाजाने आणि गोलंदाजांनी कॅपवर कब्जा केला. साई सुदर्शन याने ऑरेंज कॅप जिंकली तर प्रसिद्ध कृष्णा याने पर्पल कॅपवर नाव कोरले. फोटो सौजन्य : X
