Chitra Wagh on Anjali Bharti : बुद्धीची कीव करावी तितकी कमी…! अमृता फडणवीसांवर टीका करणाऱ्या गायिकेवर चित्रा वाघ संतापल्या

गायिका अंजली भारती हिने अमृता फडणवीस यांच्याबाबत आक्षेपार्ह वक्तव्य केले. यामुळे आमदार चित्रा वाघ यांनी सोशल मीडियावर व्हिडिओ पोस्ट करुन निषेध केला.

• गायिका अंजली भारतीचे अमृता फडणवीसांवर आक्षेपार्ह वक्तव्य
• अंजली भारती यांचा संपूर्ण महाराष्ट्रातून निषेध
• आमदार चित्रा वाघ यांनी व्हिडिओ जारी करत केला निषेध

Chitra Wagh on Anjali Bharti : मुंबई : कवाली गायिका अंजली भारती वादाच्या भोवऱ्यामध्ये अडकल्या आहेत. त्यांनी एका जाहीर कार्यक्रमामध्ये मुख्यमंत्री देवेंद्र फडणवीस यांच्या पत्नी अमृता फडणवीस (Amruta Fadnavis) यांच्याबाबत वादग्रस्त विधान केले आहे. आक्षेपार्ह केलेल्या या वक्तव्यामुळे अंजली भारती यांचा संपूर्ण महाराष्ट्रातून निषेध होत आहे. यावरुन विकोधकांनी देखील अंजली भारती यांचा निषेध केला आहे. यानंतर आता आमदार चित्रा वाघ (Chitra Wagh) यांनी सोशल मीडियावर व्हिडिओ शेअर करुन जोरदार टीका केली आहे.

आमदार चित्रा वाघ यांनी सोशल मीडियावर व्हि़डिओ शेअर करुन अंजली भारतीवर जोरदार टीकास्त्र डागले. चित्रा वाघ म्हणाल्या की, अंजली भारती नावाच्या बाईचा आताच एक व्हिडीओ पाहिला आणि तळपायाची आग मस्तकात गेली. राजकीय विरोध असू शकतो पण भर कार्यक्रमात मुख्यमंत्र्यांच्या पत्नीवर बलात्कार करा.. अशी चिथावणी देणं.. ती सुद्धा एका बाईने? अंजली भारती नावाच्या या बाईच्या बुद्धीची कीव करावी तितकी कमी आहे. अशी भाषा मानसिक विकृती असून या बाईवर आणि ज्याने कोणी हा कार्यक्रम आयोजित केलाय त्याच्यावर तात्काळ कठोर कारवाई झालीच पाहिजे, अशी मागणी आमदार चित्रा वाघ यांनी केली आहे.

See more