शुक्रवार, 23 ऑक्टोबर 2026
(Photo - X)
सध्या राज्याच्या राजकारणात वातावरण बरंच तापलेलं दिसत आहे. मराठा आंदोलक मनोज जरांगे पाटील यांनी पत्रकार परिषद घेत ऐकवलेल्या ऑडिओ क्लिपनंतर राज्यातील राजकीय वर्तुळात एकाच खळबळ उडाली आहे. याच 500 कोटींच्या आरोपांवरून वातावरण तापलेलं असतानाच आता शिवसेना ठाकरे गटाचे खासदार संजय राऊत यांनी सत्ताधाऱ्यांवर जोरदार निशाणा साधला आहे.
मनोज जरांगे पाटील यांच्या आंदोलनाशी संबंधित कथित क्लिपमध्ये 500 कोटी रुपयांचा उल्लेख असल्याच्या चर्चेवर संजय राऊत यांनी सवाल उपस्थित केले. हे पैसे जमा झाल्याचा दावा करत, त्यांचा वापर मतं आणि पक्ष विकत घेण्यासाठी केला जात असल्याचा आरोप त्यांनी केला. जरांगेंचं आंदोलन संपवण्यासाठी पैशांचा खेळ सुरू असल्याचा दावाही राऊत यांनी केला. सत्ताधाऱ्यांना पैसा वापरून पक्ष, आमदार, खासदार आणि माणसंही विकत घेता येतात, असं वाटत असल्याची टीका त्यांनी केली.
आंदोलन केलं की आम्हाला देशद्रोही ठरवलं जातं, आमच्यावर कारवाई होते, तुरुंगात टाकलं जातं; मग या आरोपांवर आम्ही बोलायचं नाही का, असा सवालही त्यांनी उपस्थित केला.
दरम्यान, काँग्रेस नेत्या प्रियंका गांधी वाड्रा यांचे पुत्र रेहान वाड्रा यांच्या नो आयडिया इज फायनल (No Idea Is Final) या प्रदर्शनातील आंदोलनाशी संबंधित अनेक छायाचित्रं हटवण्यात आली. रेहान यांच्या म्हणण्यानुसार, दिल्लीतील तरुणांच्या आंदोलनांचं चित्रण करणारे फोटो प्रदर्शनातून काढण्यास सांगण्यात आलं होतं. बीकानेर हाऊस व्यवस्थापनाने संबंधित छायाचित्रं संस्थेच्या धोरणाशी विसंगत असल्याचं म्हटलं आहे.
या प्रकरणावर बोलताना संजय राऊत यांनी सरकार आंदोलनाला आणि आता आंदोलनाच्या फोटोंनाही घाबरत असल्याची टीका केली. त्यांनी या प्रकाराची तुलना हुकूमशाही पद्धतीच्या सेन्सॉरशिपशी केली.
रेहान यांनी आंदोलनातील लोकांच्या भावना, वेदना आणि प्रतिक्रिया कॅमेऱ्यात टिपल्या आहेत. ही छायाचित्रं म्हणजे कलेच्या माध्यमातून वास्तव मांडण्याचा प्रयत्न असल्याचं राऊत म्हणाले.
याच मुद्द्यावरून त्यांनी पंतप्रधान नरेंद्र मोदी आणि केंद्रीय गृहमंत्री अमित शाह यांच्यावर टीका करत त्यांना ‘डरपोक हुकूमशाह’ असं संबोधलं.
एकीकडे जरांगे प्रकरणातील कथित आर्थिक व्यवहारावरून आरोप-प्रत्यारोप सुरू आहेत, तर दुसरीकडे फोटो प्रदर्शनाचा वादही चिघळला आहे. राऊत यांच्या प्रतिक्रियेनंतर हा वाद आणखी चिघळण्याची शक्यता असून याबाबत पुढे आणखी काय घडतं हे पाहणं महत्वाचं ठरणार आहे.
Ans: संजय राऊत यांनी 500 कोटी रुपयांचा कथित मुद्दा उपस्थित करत, या पैशांचा वापर मतं आणि राजकीय पक्ष विकत घेण्यासाठी होत असल्याचा आरोप केला.
Ans: रेहान वाड्रा यांच्या म्हणण्यानुसार, त्यांच्या प्रदर्शनातील आंदोलनाशी संबंधित छायाचित्रं हटवण्यास सांगण्यात आलं. बीकानेर हाऊस व्यवस्थापनाने ही छायाचित्रं संस्थेच्या धोरणाशी विसंगत असल्याचं सांगितलं.
Ans: रेहान वाड्रा यांच्या फोटो प्रदर्शनाच्या वादावरून संजय राऊत यांनी पंतप्रधान नरेंद्र मोदी आणि केंद्रीय गृहमंत्री अमित शाह यांच्यावर टीका केली. त्यांनी दोघांसाठी ‘डरपोक हुकूमशाह’ हा शब्दप्रयोग केला.
