गुरुवार, 22 ऑक्टोबर 2026
Sanjay Raut News: 'जागावाटपाचा विषय आमच्याकडून संपला..'; संजय राऊतांनी स्पष्टच सांगितलं
रुग्णालयामध्ये दाखल होण्यापूर्वी खासदार राऊत यांनी मुंबईमध्ये माध्यमांशी संवाद साधला. यावेळी त्यांनी अनेक राजकीय विषयांवर भाष्य केले. खासदार राऊत यांनी शिवसेना-मनसे यांच्या संयुक्त मोर्चावर भाष्य केले. ते म्हणाले की, ठाण्यातला मनसे आणि शिवसेनेच्या मोर्चाच कारण स्पष्ट आहे, ज्या पद्धतीने मुख्यमंत्री पालकमंत्री असलेल्या जिल्ह्यात त्या महापालिका हद्दीत जे दंगेखोर, दरोडेखोर, भ्रष्टाचारी, जी लाचलूचपट सुरू आहे त्या विरुद्ध हा मोर्चा आहे. महापालिकेच्या ज्या उपायुक्त वर एसीबीने कारवाई केली ते मिंधे पक्षाचे हस्तक होते. मी मुख्यमंत्र्यांच अभिनंदन करतो त्यांनी दत्तक घेतलेल्या नाशिकमध्ये जी गुंडगिरी विरोधात मोहीम सुरू केली आणि कोणाचाही मुलायजा न ठेवता, कोण कोणत्या पक्षाचा आहे याची फिकीर न करतात त्यांनी पोलीस आयुक्तांना जे आदेश दिलेले आहेत अशा प्रकारचे आदेश त्यांनी ठाणे जिल्ह्याच्या गुंडगिरी विरोधात देण गरजेचे आहे गणेश नाईक यांनी सुद्धा या रावण राज विरोधात आवाज उठवला, मी त्यांचंही अभिनंदन करील की त्यांनी ही सर्व हरामखोरी मोडून जनतेचे प्रश्न ऐकण्यासाठी त्यांनी जनता दरबार सुरू केला, अशा शब्दांत खासदार राऊत यांनी टीका केली.
राजकीय बातम्या वाचण्यासाठी क्लिक करा
त्याचबरोबर राज ठाकरे यांना महाविकास आघाडीमध्ये समाविष्ट करुन घेण्याच्या चर्चा सुरु आहे. याबाबत देखील खासदार राऊत म्हणाले की, स्वतः राज ठाकरे यांची इच्छा आहे, कि आपल्याला महाविकास आघाडीतील घटक पक्ष असलेल्या काँग्रेसला सुद्धा सोबत घेण गरजेचे आहे, त्यांची ही भूमिका आहे निर्णय नाही, असे देखील मत खासदार राऊत यांनी पत्रकार परिषदेवेळी मांडले.
महाराष्ट्रसंबंधित बातम्या वाचण्यासाठी क्लिक करा
खासदार संजय राऊत रोज पत्रकार परिषद घेत शिवसेना ठाकरे गटाची भूमिका मांडत असतात. आज देखील त्यांनी अनेक राजकीय विषयांवर भाष्य करत पत्रकार परिषद घेतली. मात्र यानंतर अचानक त्यांची प्रकृती खालावली. खासदार संजय राऊत यांना फोर्टीज हॉस्पिटलमध्ये तातडीने दाखल करण्यात आले. मात्र अद्याप त्यांची प्रकृती का खराब झाली याचें कारण समोर आलेले नाही. यानंतर आता डॉक्टर खासदार संजय राऊत त्यांच्या प्रकृतीबाबत काय माहिती देतात. याकडे सर्वांच्या नजरा लागल्या आहेत. खासदार संजय राऊत रूटिन चेकअपसाठी दाखल झाले असल्याची माहिती देखील समोर येत आहे.
