महाशिवरात्री निमित्त बेलाच्या पानांनी सजला विठुरायाचा गाभारा! सावळ्या विठुरायाचे रुप अधिकच खुलले

पंढरपूर : राज्यासह देशभरात मोठ्या उत्साहाने महाशिवरात्री साजरी केली जात आहे. महाशिवरात्री निमित्त राज्यभरातील शिव मंदिरं सजली, अनेक ठिकाणी दर्शनासाठी भाविकांची रीघ दिसत आहे. तर महाराष्ट्राचे आराध्य दैवत पंढरपुरातील विठ्ठलाचे मंदिरात विशेष सजावट व रोषणाई केली आहे. विठ्ठल रूक्मिणी मंदिर समितीच्या वतीनं महाशिवरात्रीनिमीत्त विठ्ठल रूक्मिणीमातेच्या गाभाऱ्यात आकर्षक सजावट करण्यात आली आहेत. विठुराया आणि रक्मिणी मातेच्या गाभारा बेलाची पानं आणि झेंडु-शेवंतीच्या फुलांनी सजला आहे. त्यामुळं सावळ्या विठुरायाचे रुप अधिकच खुलुन आणि विलोभनीय दिसत आहे.