सोमवार, 19 ऑक्टोबर 2026
फोटो सौजन्य- istock
आज सोमवार, १९ ऑक्टोबर रोजी शारदीय नवरात्रीचा नववा दिवस असून सिद्धीदात्री देवीला समर्पित आहे. नवदुर्गेच्या नऊरुपांपैकी हे शेवटचे रुप मानले जाते. या दिवशी काही ठिकाणी कन्या पूजन देखील केले जाते. या दिवशी देवीला विविध गोष्टींचा नैवेद्य देखील दाखवला जातो. सिद्धीदात्री देवीची पूजा कशी करावी, देवीला कोणता नैवेद्य दाखवावा जाणून घ्या
आज सोमवार, १९ ऑक्टोबर रोजी नवरात्रीचा नववा दिवस आहे. नवरात्रीच्या नवव्या दिवशी देवी सिद्धीदात्रीची पूजा केली जाते. सिद्धीदात्री हे दुर्गेचे नववे आणि अंतिम स्वरुप मानले जाते. देवीला सिद्धी, ज्ञान, बुद्धी आणि अध्यात्मिक शक्ती प्रदान करणारी देवी मानली जाते. देवीच्या या शेवटच्या दिवशी देवीची मनोभावे पूजा करून नऊ दिवसांच्या उपासनेची सांगता करता येते.
यंदा नवमीच्या दिवशी मोरपिसी रंग आहे. हा रंग शांतता, सौदर्यं, सकारात्मकता आणि आध्यात्मिक उर्जेचं ते प्रतीक मानलं जातं. मोरपिसी रंगांमध्ये हिरवा आणि निळा अशा दोन्ही रंगांचा सुंदर असा मिलाफ असल्यामुळे तो निसर्ग, संतुलन, स्थैर्य आणि प्रसन्नतेशी देखील जोडला जातो. या दिवशी मोरपिसी रंगांचे कपडे परिधान करून देवीची पूजा करण्याची परंपरा तुमच्या नवरात्रीच्या रंगक्रमानुसार पाळता येते.
मात्र देवी सिद्धीदात्रीला तीळ अर्पण करण्याची परंपरा आहे. तिळाचे लाडू, तिळापासून तयार केलेला सात्विक पदार्थ नैवेद्य म्हणून अर्पण करता येतो या दिवशी खीर, हलवा, पुरी, नारळाचे पदार्थ आणि फळ सुद्धा नैवेद्य म्हणून ठेवता येतात.
नवमीच्या दिवशीसुद्धा अनेक ठिकाणी कन्या पूजन केले जाते. अनेक ठिकाणी कन्यांना देवीचे रुप मानून त्यांना भोजन, फळ, मिठाई आणि भेटवस्तू देण्याची प्रथा अनेक ठिकाणी आहे. ओम देवी सिद्धीदात्रेय नमः या मंत्रांचा श्रद्धेने जप करून देवीकडे सुख शांती, आरोग्य, समृद्धी आणि कुटुंबाच्या कल्याणासाठी प्रार्थना करावी.
नवदुर्गांपैकी शेवटचे रुप असलेली देवी म्हणजे सिद्धीदात्री देवी. देवी सिद्धीदात्री भक्तांना सिद्धी, ज्ञान, बुद्धी आणि आध्यात्मिक शक्ती प्रदान करते. ‘सिद्धी’ म्हणजे विशेष आध्यात्मिक क्षमता आणि ‘दात्री’ म्हणजे देणारी. त्यामुळे सिद्धीदात्री या नावाचा अर्थ सिद्धी प्रदान करणारी देवी असा होतो. देवी सिद्धीदात्री कमळावर विराजमान आहे. तिला चार हात असून हातांमध्ये शंख, चक्र, गदा आहे. कमळ हे पवित्रता आणि आध्यात्मिक उन्नतीचे प्रतीक मानले जाते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: सिद्धीदात्री देवी ही देवी दुर्गेच्या नवदुर्गा स्वरूपांपैकी नववे आणि अंतिम रूप मानले जाते. धार्मिक मान्यतेनुसार, ती भक्तांना सिद्धी, ज्ञान, बुद्धी आणि आध्यात्मिक शक्ती प्रदान करते.
Ans: सकाळी स्नान करून स्वच्छ कपडे परिधान करावेत. पूजास्थान स्वच्छ करून देवीसमोर दिवा लावावा. फुले, अक्षता, धूप आणि नैवेद्य अर्पण करून देवीची आरती करावी. आपल्या घरातील परंपरेनुसार पूजा करता येते.
Ans: धार्मिक श्रद्धेनुसार, देवी सिद्धीदात्रीची पूजा केल्याने ज्ञान, विवेक, आत्मविश्वास आणि आध्यात्मिक प्रगतीसाठी देवीचा आशीर्वाद मिळतो, अशी मान्यता आहे.
