अमरनाथच्या गुहेत आहे अमर कबुतरांची जोडी, जाणून घ्या पौराणिक कथा

अमरनाथ धाम यात्रा २९ जूनपासून सुरू झाली आहे. संपूर्ण पृथ्वीवर फक्त इथेच भगवान शंकर हिमलिंगाच्या रूपात दिसतात. असे मानले जाते की, महमहर्षी भृगु यांनी सर्वप्रथम अमरनाथ गुहेला भेट दिली होती, अशी श्रद्धा आहे.

अमरनाथ धाम यात्रा २९ जूनपासून सुरू झाली आहे. संपूर्ण पृथ्वीवर फक्त इथेच भगवान शंकर हिमलिंगाच्या रूपात दिसतात. असे मानले जाते की, महमहर्षी भृगु यांनी सर्वप्रथम अमरनाथ गुहेला भेट दिली होती, अशी श्रद्धा आहे.

जन्मू- काश्मीरमधील बाबा अमरनाथाची यात्रा 29 जूनपासून सुरु झाली आहे. भगवान शिव आणि माता पार्वती यांच्याशी संबंधित हे धाम शिव आणि शक्ती या दोघांचे प्रतीक आहे. सर्व अडचणी, अडथळे आणि धोके असतानाही दरवर्षी भाविकांची वर्दळ असते. संपूर्ण पृथ्वीवर फक्त इथेच भगवान शंकर हिमलिंगाच्या रूपात दिसतात. महर्षी भृगु यांनी सर्वप्रथम अमरनाथ गुहेला भेट दिली होती, अशी श्रद्धा आहे. बाबा बर्फानीशी संबंधित आणखीही अनेक आश्चर्यकारक कथा आहेत.

अमरत्व आणि कबुतरांच्या जोडीची कहाणी

पौराणिक कथेनुसार, अमरत्वाची कथा सांगण्यासाठी भगवान शिवाने माता पार्वतीला या गुहेत आणले होते. कथेदरम्यान माता पार्वती झोपी गेली. पण तिथे उपस्थित असलेली कबुतरांची जोडी भगवान शंकराची कथा ऐकत राहिली. यावेळी तो सतत आवाज करत राहिला, त्यामुळे भगवान शिवांना वाटले की पार्वती कथा कथा ऐकत आहेत.

कथा ऐकल्यामुळे या कबुतरांनाही अमरत्व प्राप्त झाले आणि आजही अमरनाथ गुहेत जाताना कबुतर दिसतात. हे खूप आश्चर्यकारक आहे की, जिथे ऑक्सिजनचे प्रमाण जवळपास नगण्य आहे आणि जिथे खाण्यापिण्याचे साधनही दूरवर नाही तिथे ही कबुतरं कशी राहतात? येथे कबुतर पाहणे म्हणजे शिव-पार्वतीच्या दर्शनासारखे मानले जाते.

अमरनाथ गुहेचा पौराणिक इतिहास

अमरनाथ गुहेच्या पौराणिक इतिहासात महर्षी कश्यप आणि महर्षी भृगु यांचे वर्णनही आढळते. कथेनुसार, एकेकाळी पृथ्वीवरील स्वर्ग, काश्मीर पाण्याखाली गेले आणि एका मोठ्या तलावात रूपांतरित झाले. जगाच्या कल्याणासाठी कश्यप ऋषींनी ते पाणी लहान नद्यांमधून पाठवले. त्यावेळी भृगु ऋषी हिमालयाच्या प्रवासाला निघाले होते. पाण्याची पातळी कमी झाल्यामुळे महर्षी भृगु यांनी सर्वप्रथम अमरनाथची पवित्र गुहा आणि हिमालय पर्वतरांगांमधील बाबा बर्फानी यांचे शिवलिंग पाहिले.