फोटो सौजन्य – X
वेस्टइंडीज विरुद्ध ऑस्ट्रेलिया पहिला टी20 सामना : वेस्टइंडीज विरुद्ध ऑस्ट्रेलिया या दोन संघांमध्ये t20 मालिकेला सुरुवात झाली आहे. ऑस्ट्रेलियाच्या संघाने वेस्टइंडीजच्या संघाला कसोटी मालिकेमध्ये घरच्या मैदानावर पराभूत करून कहर केला होता. त्यानंतर वेस्टइंडीजच्या संघाला मोठ्या प्रमाणात ट्रोलिंगचा सामना करावा लागला होता. बेन द्वारहुई याने ४ विकेट्स आणि पदार्पण करणारा मिशेल ओवेन्स ५० धावांची यांच्या शानदार कामगिरीमुळे ऑस्ट्रेलियाने सोमवारी पहिल्या टी२० आंतरराष्ट्रीय सामन्यात वेस्ट इंडिजचा सात चेंडू शिल्लक असताना तीन विकेट्सने पराभव केला.
किंग्स्टन येथे खेळल्या गेलेल्या सामन्यात, प्रथम फलंदाजीचे आमंत्रण स्वीकारणाऱ्या वेस्ट इंडिजने निर्धारित २० षटकांत ८ गडी गमावून १८९ धावा केल्या. प्रत्युत्तरात ऑस्ट्रेलियाने १८.५ षटकांत ७ गडी गमावून लक्ष्य गाठले. कांगारू संघाच्या विजयाचा नायक मिचेल ओवेन होता, ज्याने शानदार पदार्पण केले आणि फक्त २७ चेंडूत ६ षटकारांच्या मदतीने ५० धावा केल्या.
A down to end finish at Sabina in the 1st T20I.#WIvAUS | #FullAhEnergy pic.twitter.com/qfbAFOywE9 — Windies Cricket (@windiescricket) July 21, 2025
१९० धावांच्या लक्ष्याचा पाठलाग करताना ऑस्ट्रेलियाची सुरुवात चांगली झाली नाही. जेसन होल्डरने जॅक फ्रेझर मॅकगर्क (२) ला जोसेफने झेलबाद केले. कर्णधार मिचेल मार्श याने २४ धावांनी सुरुवात संघाला करुन दिली, पण त्याचा फायदा घेता आला नाही आणि जोसेफच्या चेंडूवर यष्टीरक्षक होपने त्याला झेलबाद करून पॅव्हेलियनमध्ये परतला. जोश इंग्लिसला 18 धावांवर जोसेफने हुसेनने झेलबाद केले.
येथून कॅमेरॉन ग्रीन (५१) ने जबाबदारी स्वीकारली आणि फक्त २६ चेंडूत दोन चौकार आणि पाच षटकारांसह अर्धशतक झळकावले. ग्लेन मॅक्सवेल (११) फ्लॉप झाला आणि मोतीचा बळी ठरला. दरम्यान, पदार्पणाचा सामना खेळणाऱ्या मिचेल ओवेनने संस्मरणीय कामगिरी केली आणि फक्त २७ चेंडूत सहा षटकारांसह ५० धावा केल्या.
मोतीने ग्रीनला होल्डरकडे झेल दिला. जोसेफने ओवेनचा डाव संपवला, ज्याचा झेल होल्डरने घेतला. ऑस्ट्रेलियाने १८.५ षटकांत सात विकेट्स गमावून लक्ष्य गाठले. वेस्ट इंडिजकडून जेसन होल्डर, अल्झारी जोसेफ आणि गुडाकेश मोतीने प्रत्येकी दोन विकेट्स घेतल्या. अकील हुसेनने एक विकेट घेतली.
त्याआधी, वेस्ट इंडिजच्या टॉप ऑर्डरने जोरदार कामगिरी केली. कॉनोलीने ब्रँडन किंग (१८) ला यष्टीचीत केले. त्यानंतर कर्णधार शाई होप (५५) आणि रोस्टन चेस (६०) यांनी शानदार अर्धशतके झळकावली. दोघांनीही दुसऱ्या विकेटसाठी ९१ धावांची भागीदारी केली आणि संघाला १०० धावांचा टप्पा ओलांडून दिला. ओवेनने शाई होपचा डाव संपवला तर द्वारशुइसने चेसचा डाव संपवला.
याशिवाय शिमरॉन हेटमायरने १९ चेंडूत दोन चौकार आणि तीन षटकारांसह ३८ धावा केल्या. वेस्ट इंडिजचा संघ मोठ्या धावसंख्येकडे वाटचाल करत होता. पण द्वारशुइसने शानदार स्पेल टाकला आणि कॅरेबियन डाव डळमळीत झाला. रोवमन पॉवेल (१) आणि आंद्रे रसेल (८) हे लागोपाठ पॅव्हेलियनमध्ये परतले. शेरफेन रदरफोर्ड आणि जेसन होल्डर यांना त्यांचे खाते उघडता आले नाही. ऑस्ट्रेलियाकडून बेन ड्वारहुइसने सर्वाधिक चार बळी घेतले. शॉन अ‍ॅबॉट, कूपर कॉनोली, नॅथन एलिस आणि मिशेल ओवेन यांनी प्रत्येकी एक बळी घेतला.
वेस्ट इंडिज आणि ऑस्ट्रेलिया यांच्यातील मालिकेतील दुसरा टी-२० आंतरराष्ट्रीय सामना बुधवारी किंग्स्टन येथे खेळला जाईल. यजमान संघ जोरदार पुनरागमन करून मालिका बरोबरीत आणू इच्छितो.
.png "Videos"){kind=small}
