Asian Games 2026 : ‘गोल्डन फ्रायडे’, बॉक्सिंगमध्ये एकापाठोपाठ एक सुवर्ण पदक, अंकुश पंघालने रचला इतिहास

Asian Games 2026 : एशिनय गेम्समधील 80 किलो वजनी गटात अंकुश पंघालने सुवर्ण पदक जिंकत नवा इतिहास रचला. कबड्डीपटू असलेल्या अंकुशने बॉक्सिंगचे क्षेत्र निवडत हे यश संपादन केले आहे.

• अमितनंतर एशियन गेम्समध्ये अंकुशला पदक 
• सामन्यात अंकुशचा दबदबा
• अंकुशच्या कारकिर्दीत वडीलांची मेहनत

 

भारतीय बॉक्सर अंकुश पंघालने पुरुषाांच्या 80 किलो वजनी गटातील फायनलमध्ये सुवर्ण पदक जिंकत एक नवा इतिहास रचला. एशियन गेम्स 2026 (Asian Games 2026) मध्ये भारतासाठी शुक्रवार हा ‘गोल्डन फ्रायडे’ ठरला, कारण भारताने बॉक्सिंगमध्ये एकापाठोपाठ एक सुवर्ण पदक पटकावले.

सुवर्ण पदकाच्या फायनल सामन्यात पंघालने दक्षिण कोरियाचा बॉक्सर किम मिनसाँगचा 4-0 असा पराभव केला. भारताचे एशियन गेम्स 2026 मधील हे 14 वे गोल्ड मेडल ठरले. त्याच्या एक मिनिटानंतरच कुस्तीत सुजीतने भारताला 15 वे सुवर्ण पदक जिंकून दिले.

अंकुशचा एकतर्फी विजय

26 वर्षीय बॉक्सर अंकुश पंघालने फायनलमध्ये कोरियन बॉक्सरचा एकतर्फी सामन्यात पराभव केला. त्याने सेमिफायनलमध्ये पिछाडीवर पडल्यानंतर उज्बेकिस्तानच्या फजलिद्दीन एरकिनबोएवचा 4-1 असा पराभव केला, जो 75 किलो वजनी गटात सध्याचा विश्वविजेता आहे.
अंकुश पंघाल 2018 एशियन्स गेम्सनंतर एशियन गेम्समध्ये गोल्ड मेडल जिंकणारा पहिला पुरुष भारतीय बॉक्सर ठरला आहे. त्याच्याआधी बॉक्सिंगमध्ये अखेरीस अमित पंघालने 2018 साली पदक जिंकले होते.

Asian Games 2026 : बॉक्सिंगमध्ये भारताला दुसरे सुवर्ण पदक, परवनी हुड्डाचा दमदार ‘पंच’

Ankush Panghal on the victory podium after winning GOLD medal (Boxing) ♥️ #AichiNagoya2026 #AG2026withIAS pic.twitter.com/Zi2zKdwZcA — India_AllSports (@India_AllSports) October 2, 2026

अंकुशच्या कारकिर्दीत वडीलांची मेहनत

अंकुश पंघाल हरियाणाच्या हिसारमधील रहिवाशी आहे. त्याचा जन्म 13 ऑगस्ट 2005 ला एका शेतकऱ्याच्या घरी झाला. त्याचे वडील कबड्डीपटू होते. अंकुशही अगोदर कबड्डी खेळायचा. अंकुशने कबड्डीत जिल्हास्तरावर गोल्ड जिंकले आहे, पण त्याच्या वडीलांनी त्याला बॉक्सिंगमध्ये करिअर करण्यास सांगितले.
त्याने वयाच्या 11 व्या वर्षी बॉक्सिंग सुरू केली. तो ट्रेनिंगसाठी गावापासून 15 किलोमीटर लांब जायाचा. त्याचे वडील त्याला सोडायला व आणायला जायचे. असं सांगितले जाते की, 2018 मधील स्टेट चॅम्पियनशीपमधील फायनल गमावल्यानंतर तो बॉक्सिंगला रामराम करू इच्छित होता, पण त्याच्या वडीलांनी त्याला असे करू दिले नाही. त्यामुळे आज अंकुशने एशियन गेम्समध्ये जो गोल्ड मेडल जिंकला आहे, त्यात त्याच्या वडिलांची बरोबरीची मेहनत आहे, असे म्हटल्यास वावगं ठरू नये.

Asian Games 2026 : डिंगी सेलिंगमध्ये नेत्रा कुमाननची कमाल, भारताला मिळवून दिलं कांस्य पदक