AUS vs ENG TEST, 2nd Day: Kangaroos dominated the second day! Australia's lead by 44 runs with a score of 378 for 6
AUS vs ENG TEST, 2 nd Day : ऑस्ट्रेलिया आणि इंग्लंड यांच्यातील अॅशेस कसोटी मालिकेतील दूसरा सामना ब्रिस्बेनमधील गाबा येथे खेळवण्यात येत आहे. या दिवस-रात्र कसोटीत सामन्यात इंग्लंडने नाणेफेक जिंकून प्रथम फलंदाजी करत जो रूटने शानदार शतकाच्या जोरावर सर्वबाद ३३४ धावा केल्या आहेत. तर दुसऱ्या दिवसाचा खेळ संपला तेव्हा धावांचा पाठलाग करणाऱ्या ऑस्ट्रेलियाने ६ बाद ३७८ धावा केल्या आहेत. ऑस्ट्रेलियाकडून जेक वेदरॉल्ड, मार्नस लॅबुशेन, स्टीव्ह स्मिथ या तीन फलंदाजांनी अर्धशतके लगावली आहेत. अॅलेक्स केरी ४६ धावा तर मायकेल नेसर १५ धावांवर खेळत आहेत. इंग्लंडकडून ब्रायडन कार्सने सर्वाधिक ३ विकेट्स घेतल्या आहेत.
इंग्लंडचा डाव दुसऱ्या दिवशी ३३४ धावांवर संपुष्टात आला. इंग्लंडच्या धावांचा पाठलाग करणाऱ्या ऑस्ट्रेलियाच्या डावाची सुरुवात चांगली झाली. सलामीवीर ट्रॅव्हिस हेड आणि जेक वेदरॉल्ड यांनी ७७ धावांची सलामी दिली. त्यानंतर ३३ धावा करून हेड बाद झाला. त्याला ब्रायडन कार्सने बाद केले. त्यानंतर जेक वेदरॉल्डने तिसऱ्या स्थानावर आलेल्या मार्नस लॅबुशेनसोबत ६९ धावांची भागीदारी रचली. दरम्यान जेक वेदरॉल्डने आपले अर्धशतक पूर्ण केले आणि तो बाद झाला. त्याने ७८ चेंडूत ७२ धावा केल्या. यामध्ये त्याने १२ चौकार आणि १ षटकार मारला. त्याला जोफ्रा आर्चरने माघारी पाठवले.
चौथ्या क्रमांकावर आलेला कर्णधार स्टीव्ह स्मिथने शानदार खेळी केली. त्याने सहकारी मार्नस लॅबुशेनसोबत सोबत ५ धावा जोडल्या. लॅबुशेन ६५ धावा करून बेन स्तोक्सचा शिकार ठरला. त्यानंतर स्मिथने देखील आपले अर्धशतक पूर्ण केले. दरम्यान स्मिथ आणि कॅमेरॉन ग्रीन यांनी ९५ धावांची भागीदारी रचत संघाला मजबूत दिशेने नेले. ग्रीन ४५ धावा करून बाद झाला. त्याला कार्सने बाद केले. नंतर स्मिथ देखील बाद झाला. स्मिथने ६१ धावांची खेळी केली. अलेक्स केरी २३ धावा करून बाद झाला. तर दिवसाच्या अखेर अॅलेक्स केरी ४६ धावा तर नासेर १५ धावांवर नाबद राहिले आणि दुसऱ्या दिवसाचा खेळ संपला तेव्हा इंग्लंडचा स्कोअर ६ बाद ३७८ धावा झाला होता. ऑस्ट्रेलियाने ४४ धावांची आघाडी घेतली आहे. ऑस्ट्रेलियाकडून कार्सने सर्वाधिक ३ विकेट्स घेतल्या. तर बेन स्टोक्सने २ विकेट्स आणि आर्चरने १ विकेट घेतली.
दुसऱ्या सामन्यात कर्णधार बेन स्टोक्सने नाणेफेक जिंकून प्रथम फलंदाजी करण्याचा निर्णय घेतला. इंग्लंडची सुरुवात चांगली झाली नाही. इंग्लंडच्या ३ षटकात ५ धावांवर इंग्लंडच्या २ विकेट्स गेल्या होत्या. त्यानंतर आलेला जो रूट आणि सलामीवीर झॅक क्रॉली या जोडीने ११७ धावांची भागीदारी रचून इंग्लंडचा डाव सांभाळला. जो रूट नाबाद १३५ धावा, झॅक क्रॉली ७६ धावा, हॅरी ब्रूक ३१ धावा, कर्णधार बेन स्टोक्स १९ धावा, जेमी स्मिथ ० धावा, विल जॅक्स १९ धावा, ब्रायडन कार्स ० धावा, गस अॅटकिन्सन ४ धावा, जोफ्रा आर्चर ३८ धावा केल्या होत्या. ऑस्ट्रेलियाकडून पहिल्या दिवशी मिचेल स्टार्कने आपला पहिल्या अकसोटीतील फॉर्म कायम राखत ६ विकेट्स घेतल्या. तर मायकेल नेसर, स्कॉट बोलँड आणि ब्रेंडन डॉगेट यांनी प्रत्येकी १ विकेट घेतली.
.png "Videos"){kind=small}
