Bangladesh vs Ireland:  लिटन दासचा शतकी तडाखा! रचले तीन विक्रम; दिग्गजांच्या क्लबमध्ये केली रॉयल एंट्री

आयरिश संघ आणि बांगलादेश यांच्यातील दुसऱ्या कसोटी सामन्यातील पहिल्या डावात सहाव्या क्रमांकावर फलंदाजीला उतरलेल्या बांग्लादेशच्या लिटन दासने शतक ठोकून अनेक विक्रम रचले आहेत.

• आयर्लंड संघ बांगलादेश यांच्यात दोन सामन्यांची कसोटी मालिका सुरू 
• शेवटच्या कसोटी सामन्यात बांग्लादेशच्या लिटन दासचे शतक
• लिटन दासने त्याचे पाचवे कसोटी शतक देखील पूर्ण केले

Liton Das has three records including a century : आयरिश संघ आणि बांगलादेश यांच्यात दोन सामन्यांची कसोटी मालिका सुरू आहे. या प्रतिष्ठित मालिकेचा शेवटचा सामना १९ नोव्हेंबर रोजी मीरपूरमध्ये खेळला जात आहे. लिटन दासने आपल्या उत्कृष्ट फलंदाजीने सर्वांच्या मनावर राज्य केले आहे.पहिल्या डावात सहाव्या क्रमांकावर फलंदाजीला उतरलेल्या दासने एकूण १९२ चेंडूंचा सामना केला आणि ६६.६६ च्या स्ट्राईक रेटने १२८ धावा फटकावल्या आहेत. या खेळीत त्याने आठ चौकार आणि चार षटकार लगावले आहे.

हेही वाचा : IPL 2026 : CSK च्या जर्सीत पहिल्यांदाच दिसला संजू सॅमसन! दिले मोठे विधान, म्हणाला – चॅम्पियन असल्यासारखे वाटत आहे…

लिटन दासने त्याचे पाचवे कसोटी शतक झळकावले

मीरपूरमध्ये त्याच्या उत्कृष्ट कामगिरीसह, लिटन दासने त्याचे पाचवे कसोटी शतक देखील पूर्ण केले. या शतकासह, तो बांगलादेशसाठी कसोटी क्रिकेटमध्ये सर्वाधिक शतके करणारा संयुक्त सहावा फलंदाज ठरला आहे. मोमिनुल हक आणि मुशफिकुर रहीम हे सर्वाधिक धावा करणारे फलंदाज असून ज्यांनी बांगलादेशसाठी कसोटी क्रिकेटमध्ये प्रत्येकी १३ शतके ठोकली आहेत.

लिटन दासच्या कसोटी क्रिकेटमध्ये ३००० धावा पूर्ण

मीरपूरमध्ये शानदार फलंदाजी करणाऱ्या लिटन दासने कसोटी क्रिकेटमध्ये ३००० धावा पूर्ण केल्या अहते. २०१५ पासून ते हे लिहिण्याच्या वेळेपर्यंत, त्याने बांगलादेशकडून ५२ कसोटी सामने खेळलेले आहेत. त्याने ९० डावांमध्ये ३५.४२ च्या सरासरीने ३११७ धावा फटकावल्या आहेत. लिटन दास तो बांगलादेशचा कसोटी क्रिकेटमध्ये पाचव्या क्रमांकाचा सर्वाधिक धावा करणारा फलंदाज ठरला आहे.

हेही वाचा : IND vs SA 2nd test : ऋषभ पंतच्या रडारवर ‘हा’ मोठा कारनामा! WTC मध्ये इतिहास रचण्याची गुवाहाटीत कसोटीत नामी संधी

रहीम आणि दास यांची शतकी भागीदारी

मीरपूरमध्ये मुशफिकुर रहीम आणि लिटन दास यांच्यात शतकी भागीदारी झाली. ही भागीदारी कसोटी क्रिकेटमधील त्यांची सातवी शतकी भागीदारी ठरली आहे. ही जोडी कसोटी क्रिकेटमध्ये सर्वाधिक शतकी भागीदारी करणारी पहिली बांगलादेशी जोडी ठरली आहे.

मुशफिकुर रहीम आणि लिटन दास यांच्याव्यतिरिक्त, हबीबुल बशर आणि जावेद उमर, मोमिनुल हक आणि मुशफिकुर रहीम आणि मुशफिकुर रहीम आणि शाकिब अल हसन यांनी बांगलादेशसाठी ५ किंवा त्याहून अधिक धावांच्या शतकी भागीदारी रचल्या आहेत.