गुरुवार, 22 ऑक्टोबर 2026
भारत विरुद्ध न्यूझीलंड (फोटो- ians)
न्यूझीलंडने 20 ओव्हरमध्ये 4 विकेट्स गमावून 225 रन्सचा डोंगर उभा केला. या इनिंगमध्ये भारताने 5 गोलंदाजांचा वापर केला. श्रेयस अय्यरने टॉस जिंकून प्रथम गोलंदाजी करण्याचा निर्णय घेतला होता. विशेष म्हणजे या सर्वच्या सर्व ५ गोलंदाजांनी प्रत्येकी ४० किंवा त्याहून अधिक धावा रन्स केल्या. . टी-२० आंतरराष्ट्रीय क्रिकेटच्या इतिहासात भारतीय गोलंदाजांच्या नावावर हा एक लाजिरवाणा विक्रम नोंदवला गेला.
क्राइस्टचर्च येथे खेळल्या गेलेल्या या सामन्यात न्यूझीलंडच्या फलंदाजांनी भारतीय गोलंदाजांची चांगलीच धुलाई केली. या सामन्यात भारतीय संघाने गोलंदाजीत अचूकता दाखवली नाही. सर्व गोलंदाजांनी या सामन्यात 40 पेक्षा जास्त रन्स दिल्या.
IND Vs NZ: नमनचा ‘धीर’ न्यूझीलंडसाठी ठरला घातक; अटीतटीच्या लढतीत टीम India ने मारली बाजी
भुवनेश्वर कुमार: ४ ओव्हर्समध्ये ४९ रन्स
अर्शदीप सिंह: ४ ओव्हर्समध्ये ४५ रन्स
मयंक यादव: ४ ओव्हर्समध्ये ४० रन्स
अक्षर पटेल: ४ ओव्हर्समध्ये ५१ रन्स
नितीश कुमार रेड्डी: ४ ओव्हर्समध्ये ४० रन्स
भारतीय क्रिकेट संघाचा अनुभवी वेगवान गोलंदाज भुवनेश्वर कुमारसाठी संघात झालेले पुनरागमन अत्यंत निराशाजनक ठरले आहे. बऱ्याच कालावधीनंतर भारतीय संघात पुनरागमन करणाऱ्या भुवनेश्वर कुमारकडून या सामन्यात दमदार गोलंदाजीची मोठी अपेक्षा होती. मात्र, तो आपल्या लौकिकाला साजेसा खेळ दाखवण्यात पूर्णपणे अपयशी ठरला. त्याच्या या खराब कामगिरीचा फटका संघाला बसल्याचे पाहायला मिळाले.
या सामन्यात भुवनेश्वर कुमारने आपल्या 4 ओव्हर्समध्ये 49 रन्स दिल्या. मात्र त्याला एकही विकेट घेता आली नाही. त्यामुळे भारताची चिंता वाढली आहे. भुवनेश्वर कुमारच्या आंतरराष्ट्रीय टी-२० कारकिर्दीतील हा दुसरा सर्वात खराब गोलंदाजी स्पेल ठरला आहे. भुवनेश्वर कुमारने आपल्या संपूर्ण टी-२० आंतरराष्ट्रीय कारकिर्दीत पहिल्यांदाच नो-बॉल टाकला.
