गुजरात संघात दमदार खेळाडूंची एन्ट्री, ॲडम झम्पा राजस्थान रॉयल्समधून बाहेर

राजस्थानने झम्पाच्या जागी तनुष कोटियनचा संघात समावेश केला आहे. तनुष आणि बीआर शरथ यांचा देशांतर्गत सामन्यांमध्ये चांगला रेकॉर्ड आहे.

आयपीएल 2024 च्या आधी, गुजरात टायटन्स आणि राजस्थान रॉयल्सने संघात बदल झाले आहेत. गुजरातचा खेळाडू रॉबिन मिन्झ अपघातामुळे स्पर्धेबाहेर आहे. संघाने बीआर शरथला त्याच्या अनुपस्थितीत संधी दिली आहे. तर ॲडम झम्पा राजस्थान रॉयल्समधून बाहेर आहे. राजस्थानने झम्पाच्या जागी तनुष कोटियनचा संघात समावेश केला आहे. तनुष आणि बीआर शरथ यांचा देशांतर्गत सामन्यांमध्ये चांगला रेकॉर्ड आहे.

गुजरात टायटन्सने शरतला दिली संधी –

बीआर शरथ कर्नाटककडून देशांतर्गत क्रिकेटमध्ये खेळतो. तो यष्टिरक्षक फलंदाज आहे. बीआर शरथचा आतापर्यंतचा रेकॉर्ड उत्कृष्ट आहे. त्याने 28 टी-20 सामन्यात 328 धावा केल्या आहेत. त्याने 43 लिस्ट ए सामन्यात 732 धावा केल्या आहेत. या काळात त्याने 4 अर्धशतकेही झळकावली आहेत. बीआर शरथला अजून मोठ्या व्यासपीठावर खेळण्याची संधी मिळाली नव्हती. पण आयपीएलचा हा मोसम त्याच्या आयुष्याचा टर्निंग पॉइंट ठरू शकतो. त्याला गुजरात टायटन्सने 20 लाख रुपयांना विकत घेतले आहे.

तनुष राजस्थान रॉयल्समध्ये सामील-

तनुष एक उत्कृष्ट अष्टपैलू खेळाडू आहे. तो रणजी करंडक विजेत्या मुंबई संघाचा भाग होता. तनुषला राजस्थान रॉयल्सने 20 लाख रुपयांची मूळ किंमत देऊन खरेदी केले आहे. तनुषने 23 टी-20 सामन्यात 24 विकेट घेतल्या आहेत. त्याने संधी मिळताच धावाही केल्या आहेत. त्याने 19 लिस्ट ए सामन्यात 20 विकेट घेतल्या आहेत. तनुषने प्रथम श्रेणी सामन्यांमध्ये 75 विकेट घेतल्या आहेत. यासोबतच 1152 धावाही केल्या आहेत.

मिंजे-झाम्पा आयपीएल 2024 मधून बाहेर –

झारखंडचा खेळाडू रॉबिन मिंजचा गुजरातने संघात समावेश केला. मात्र रस्ता अपघातात तो जखमी झाला. मिंजला गंभीर दुखापत झालेली नाही. पण या मोसमातून तो नक्कीच बाहेर होता. त्याला गुजरातने 3.6 कोटी रुपयांना विकत घेतले. राजस्थानच्या ॲडम झाम्पाविषयी सांगायचे तर, त्याने वैयक्तिक कारणांमुळे आपले नाव मागे घेतले आहे.