एव्हरेस्टवीर सविता कंसवालचा हिमस्खलनात मृत्यू

दरम्यान या घटनेची माहिती मिळताच एनआयएमच्या पथकासह जिल्हा प्रशासन, एनडीआरएफ, एसडीआरएफ, सैन्यदल, आयटीबीपीचे पथक मदत व बचाव कार्यासाठी रवाना झाले. यासाठी हवाईदलाचे २ चित्ता हेलिकॉप्टर देखील मोहिमेसाठी तैनात करण्यात आले. उत्तराखंडचे मुख्यमंत्री पुष्कर सिंह धामी यांनीही या घटनेची दखल घेतली आहे. या दुर्घटनेनंतर आतापर्यंत ४ मृतदेह बाहेर काढण्यात आले असून यात सविता यांच्या मृतदेहाचा ही समावेश आहे.

एव्हरेस्टवीर सविताच्या मृत्युची माहिती कळताच तिच्या गावात शोककळा पसरली आहे. सविता कंसवालने यावर्षी १२ मे रोजी जगातील सर्वात उंच माऊंट एव्हरेस्टवर ८ हजार ८४८ मीटर उंच तिरंगा फडकावला होता. यानंतर १५ दिवसांनी सविता ८ हजार ४६३ मीटर उंच मकालू पर्वतावर पोहोचली होती.सविताने राष्ट्रीय विक्रम आपल्या नावावर केला होता. खराब हवामानामुळं ४ ऑक्टोबरला बचावकार्य थांबवण्यात आलं होतं. पण ५ ऑक्टोबरच्या सकाळपासून भारतीय वायुसेनेनं पुन्हा बचावकार्याला सुरुवात केली.

संबंधित बातम्या