एव्हरेस्टवीर सविता कंसवालचा हिमस्खलनात मृत्यू

जगातील सर्वात उंच अश्या माऊंट एव्हरेस्ट (Mount Everest) पर्वतावर भारताचा झेंडा फडकावणाऱ्या सविता कंसवालचा (Savita Kanswal) यांचा उत्तराखंडमधील द्रौपदी पर्वताच्या हिमस्खलनात मृत्यू झाला आहे. मंगळवारी ही दुर्दैवी घटना घडली असून सवितासह या दुर्घटनेत नेहरू पर्वतारोहण संस्थेचे २९ प्रशिक्षणार्थी अडकले होते.

४ ऑक्टोबर रोजी ही दुर्दैवी घटना घडली असून उत्तरकाशीस्थित नेहरू इन्स्टिट्यूट ऑफ माऊंटेनियरिंगचे प्राचार्य कर्नल अमित बिष्ट यांनी सविता कंसवालच्या मृत्युच्या बातमीची पुष्टी केली आहे. मंगळवारी हिमस्खलनाचा तडाखा बसल्यानंतर गिर्यारोहकांची ४१ सदस्यीय टीम शिखरावर चढाई करून परतत होती. सविता कंसवाल या एनआयएममध्ये इन्स्ट्रक्टर म्हणून काम करत होत्या.

See more

उत्तरकाशी, द्रौपदी का डांडा-2 पर्वत चोटी में हुए हिमस्खलन से, माउण्ट एवरेस्ट और माउंट ल्होत्से फतह कर चुकी जनपद उत्तरकाशी के ग्राम लोन्थरु निवासी पर्वतारोही सविता कंसवाल जी के निधन पर गहरा दुःख व्यक्त करता हूँ। #SavitaKanswal | #Uttarakhand pic.twitter.com/gmEW1oXhiJ — Arvind Pandey (@TheArvindPandey) October 5, 2022

दरम्यान या घटनेची माहिती मिळताच एनआयएमच्या पथकासह जिल्हा प्रशासन, एनडीआरएफ, एसडीआरएफ, सैन्यदल, आयटीबीपीचे पथक मदत व बचाव कार्यासाठी रवाना झाले. यासाठी हवाईदलाचे २ चित्ता हेलिकॉप्टर देखील मोहिमेसाठी तैनात करण्यात आले. उत्तराखंडचे मुख्यमंत्री पुष्कर सिंह धामी यांनीही या घटनेची दखल घेतली आहे. या दुर्घटनेनंतर आतापर्यंत ४ मृतदेह बाहेर काढण्यात आले असून यात सविता यांच्या मृतदेहाचा ही समावेश आहे.

एव्हरेस्टवीर सविताच्या मृत्युची माहिती कळताच तिच्या गावात शोककळा पसरली आहे. सविता कंसवालने यावर्षी १२ मे रोजी जगातील सर्वात उंच माऊंट एव्हरेस्टवर ८ हजार ८४८ मीटर उंच तिरंगा फडकावला होता. यानंतर १५ दिवसांनी सविता ८ हजार ४६३ मीटर उंच मकालू पर्वतावर पोहोचली होती.सविताने राष्ट्रीय विक्रम आपल्या नावावर केला होता. खराब हवामानामुळं ४ ऑक्टोबरला बचावकार्य थांबवण्यात आलं होतं. पण ५ ऑक्टोबरच्या सकाळपासून भारतीय वायुसेनेनं पुन्हा बचावकार्याला सुरुवात केली.