रांचीत शतक होताच विराट कोहलीच्या पायावर पडला चाहता (Photo Credit - X)
चाहत्याने सुरक्षा भेदली
शतक पूर्ण केल्यानंतर विराट कोहली प्रेक्षकांचे अभिवादन स्वीकारत होता. त्याच वेळी, एक चाहता सुरक्षा कर्मचाऱ्यांची नजर चुकवून थेट मैदानात घुसला. या चाहत्याने धावत येऊन थेट विराट कोहलीच्या पायावर लोटांगण घातले. या घटनेमुळे कोहलीच्या सुरक्षेमध्ये मोठी चूक झाल्याचे बोलले जात आहे.
A fan breached security to touch Virat Kohli’s feet after his century
📸: JioHotstar | #INDvSA pic.twitter.com/3IlQ0VZ8Zl — CricTracker (@Cricketracker) November 30, 2025
कोहलीची दमदार खेळी
विराट कोहलीने १०२ चेंडूंमध्ये चौकार मारून आपले शतक पूर्ण केले आणि त्यानंतर जोरदार जल्लोषही केला. कोहलीने १२० चेंडूंमध्ये ११२.५० च्या स्ट्राइक रेटने १३५ धावांची शानदार खेळी केली. त्याने या खेळीदरम्यान दक्षिण आफ्रिकेच्या गोलंदाजांना अक्षरशः थकवून टाकले. यात त्याने ११ चौकार आणि ७ उत्तुंग षटकार लगावले. कोहलीव्यतिरिक्त रोहित शर्मानेही ५१ चेंडूंमध्ये ५ चौकार आणि ३ षटकारांच्या मदतीने ५७ धावांची खेळी केली.
रांचीतील वनडेमध्ये कोहलीची कामगिरी
रांचीच्या मैदानावर विराट कोहलीने नेहमीच चांगली कामगिरी केली आहे. या मैदानावर त्याचे वनडेमधील प्रदर्शन खालीलप्रमाणे आहे:
| वर्ष | प्रतिस्पर्धी | धावा |
| २०१३ | इंग्लंड | ७७* |
| २०१४ | श्रीलंका | १३९* |
| २०१६ | न्यूझीलंड | ४५ |
| २०१९ | ऑस्ट्रेलिया | १२३ |
| २०२५ | दक्षिण आफ्रिका | १३५ |






