नीरज चोप्राने भल्या भल्यांचा रेकॉर्ड मोडला; जबरदस्त कामगिरीमुळे इंटरनॅशनल पुरस्कारासाठी नॉमिनेशन

Neeraj Chopra:भालाफेकपटू नीरज चोप्राने टोकियो ऑलिम्पिक-2020 मध्ये सुवर्णपदक जिंकून इतिहास रचला. आपल्या कामगिरीच्या जोरावर त्याने आणखी एक यश संपादन केले आहे. 

Gold Medalist Neeraj Chopra: भालाफेकपटू नीरज चोप्राने टोकियो ऑलिम्पिक-2020 मध्ये सुवर्णपदक जिंकून इतिहास रचला. आपल्या कामगिरीच्या जोरावर त्याने आणखी एक यश संपादन केले आहे. नीरज चोप्राच्या नावाची या वर्षातील सर्वात मोठी क्रीडा पुरस्कार लॉरेस वर्ल्ड स्पोर्ट्स अवॉर्ड्ससाठी शिफारस करण्यात आली आहे. नीरज चोप्रा एम्मा रदुकानू, डॅनिल मेदवेदेव, पेद्री, युलिमार रोजास, एरियन टिटमस यांच्याशी स्पर्धा करेल.

See more

#BreakingNews ?

??’s @Neeraj_chopra1 Gold medalist #Tokyo2020 @Olympics nominated for the #Laureus22 World Breakthrough Performance of the Year Award ?

Neeraj is only the 3rd Indian athlete to be nominated for a LAUREUS WORLD SPORTS AWARD

1/2#Athletics #NeerajChopra pic.twitter.com/RSY8tyABGI

— SAI Media (@Media_SAI) February 2, 2022

भारतीय क्रीडा प्राधिकरणाने ट्विट करून नीरज चोप्राच्या नामांकनाची माहिती दिली. या पुरस्कारासाठी नामांकन मिळालेला नीरज चोप्रा हा भारतातील तिसरा खेळाडू आहे. यापूर्वी या सन्मानासाठी माजी महान फलंदाज सचिन तेंडुलकरचे नामांकन करण्यात आले होते. त्याच वेळी, २००९ मध्ये कुस्तीपटू विनेश फोगटलाही नामांकन मिळाले होते.

लॉरेस वर्ल्ड स्पोर्ट्स अवॉर्ड्स हा दरवर्षी दिला जाणारा पुरस्कार आहे. हा पुरस्कार खेळाडू आणि संघांना दिला जातो. लॉरियस स्पोर्ट फॉर गुड फाऊंडेशनचे संस्थापक डेमलर आणि रिचेमॉन्ट यांनी १९९९ मध्ये या पुरस्काराची स्थापना केली होती.

नीरज चोप्रा यांना नुकतेच परम विशिष्ट सेवा पदक प्रदान करण्यात आले. गेल्या वर्षी नोव्हेंबरमध्ये त्यांना ‘मेजर ध्यानचंद खेलरत्न’ पुरस्काराने सन्मानित करण्यात आले होते. नीरजने टोकियो येथे झालेल्या ऑलिम्पिक स्पर्धेत ८७.५८ मीटर अंतर फेकून सुवर्णपदक जिंकले.