पाकिस्तान क्रिकेट डबघाईला; PCB च्या हुकूमशाहीला कंटाळून गॅरि कर्स्टननंतर आणखी एक खेळाडू होणार बाहेर; थेट निवृत्ती

Pakistan Cricket Board : पाकिस्तान क्रिकेट बोर्ड आणि PCBच्या अडचणी कमी होण्याची चिन्हे दिसत नाहीत. गॅरी कर्स्टन यांच्या राजीनाम्यानंतर प्रसिद्ध क्रिकेटपटूने निवृत्तीचे संकेत दिले आहेत.

Fakhar Zaman Retirement : अलीकडे पाकिस्तान क्रिकेटमध्ये सतत बदलांचा काळ सुरू आहे. आधी बाबर आझमला वगळण्याचा वादग्रस्त निर्णय त्यानंतर फखर जमानचे ट्विट आणि त्यानंतर वनडे आणि टी-२० मुख्य प्रशिक्षक गॅरी कर्स्टन यांचा राजीनामा हा मोठा मुद्दा बनला. या सर्व गोष्टी पाकिस्तानातील क्रिकेट चांगल्या दिशेने जात नसल्याचे संकेत आहेत. आता देशातील क्रिकेटची ढासळलेली परिस्थिती पाहता फखर जमानने निवृत्तीचे संकेत देऊन खळबळ उडवून दिले आहे.

फखर जमान मागील आठ वर्षांपासून पाकिस्तान क्रिकेटचा अविभाज्य भाग
फखर जमान गेल्या आठ वर्षांपासून पाकिस्तान क्रिकेट संघाचा अविभाज्य भाग होता, परंतु अलीकडेच त्याला पीसीबीच्या केंद्रीय करार यादीतून काढून टाकण्यात आले आहे. तंदुरुस्ती चाचणीत उत्तीर्ण न होणे आणि बाबर आझमच्या वगळल्यानंतर निवड समितीच्या निर्णयावर टीका करणे हे त्याचे केंद्रीय यादीतून वगळण्याचे प्रमुख कारण असल्याचे सांगितले जात आहे.

फखर जमान निवृत्त होणार!
मीडिया रिपोर्टनुसार, फखर जमानच्या जवळच्या काही सूत्रांनी म्हटले आहे की पीसीबी आणि निवडकर्त्यांसोबतच्या वादामुळे त्याच्यावर मानसिक दबाव आला आहे आणि तो मोठा निर्णयही घेऊ शकतो. दरम्यान, पीसीबीचे अध्यक्ष मोहसीन नक्वी म्हणाले की, बाबर आझमच्या समर्थनार्थ फखारने केलेले ट्विट वादग्रस्त होते, मात्र त्याला संघातून वगळण्याचा आधार त्याची फिटनेस चाचणी होती. रिपोर्टनुसार, फखर जमान 8 मिनिटांत 2 किमीची शर्यत पूर्ण करू शकला नाही.
फखर जमानचे करियर पूर्णपणे पीसीबीच्या हातात
दुसरीकडे, पाकिस्तानी क्रिकेटर फखर जमानने दावा केला होता की, त्याच्या फिटनेस चाचणीच्या निकालात काही त्रुटी होत्या. आम्ही तुम्हाला सांगतो की जानेवारी 2025 मध्ये त्याची आणखी एक फिटनेस चाचणी घेतल्याची बातमी आहे, परंतु सध्या असे दिसते आहे की फखर जमानचे करियर पूर्णपणे पीसीबीच्या हातात आहे.