सोमवार, 19 ऑक्टोबर 2026
Bhuvneshwar Kumar
Chinmay Sutar : मुंबई ते मिझोराम! कोण आहे चिन्मय सुतार? रणजी ट्रॉफीत नाबाद ४०० धावा ठोकत रचला इतिहास
भुवनेश्वर कुमारची न्यूझीलंडमधील टी२० आंतरराष्ट्रीय कामगिरी फारशी प्रभावी राहिलेली नाही. त्याने न्यूझीलंडच्या भूमीवर पाच सामने खेळले आहे. यामध्ये त्याने केवळ चार विकेट घेतले आहेत. या काळात त्याने १९ षटके गोलंदाजी करत १६० धावा दिल्या. यावेळी त्याचा इकॉनॉमी रेट ८.४० होता. कोणत्याही देशातील हा त्याचा सर्वात महागडा इकॉनॉमी रेट असल्याचे म्हटले जाते. न्यूझीलंडमध्ये त्याची गोलंदाजीची सरासरी ४०.०० आहे. या काळातील त्याची सर्वोत्तम कामगिरी म्हणजे १२ धावांत एक विकेट अशी आहे. त्यामुळे, आगामी मालिकेत ही आकडेवारी सुधारण्याचे आव्हान त्याच्यासमोर असेल.
भुवनेश्वर कुमारची न्यूझीलंडमधील आकडेवारी कदाचित प्रभावी नसेल, पण त्याची एकूण टी२० आंतरराष्ट्रीय कारकीर्द खूपच प्रभावी राहिली आहे. त्याने भारतासाठी ८६ डावांमध्ये ९० विकेट्स घेतले आहेत. या कामगिरीमुळे तो टी२० आंतरराष्ट्रीय सामन्यांमध्ये भारताचा सातवा सर्वाधिक विकेट्स घेणारा गोलंदाज आहे. त्याची कारकिर्दीतील गोलंदाजीची इकॉनॉमी रेट ६.९६ आहे. त्याने या फॉरमॅटमध्ये दोनदा एका डावात पाच विकेट्सही घेतले आहेत. टी२० आंतरराष्ट्रीय सामन्यांमधील त्याची सर्वोत्तम कामगिरी चार धावांत पाच विकेट्स आहे.
भुवनेश्वर कुमारने त्याच्या टी२० आंतरराष्ट्रीय कारकिर्दीत घेतलेल्या एकूण विकेट्सपैकी केवळ ४.४ टक्के विकेट्स न्यूझीलंडमध्ये घेतले आहेत. भुवीची ताकत स्विंग आणि अचूक लेन्थ- लाइनवर गोलंदाजी करणए आहे. न्यूझीलंडच्या खेळपट्टीवर चेंडू दोन्ही बाजूंनी स्विंग करून तो विरोधी फलंदाजांना अडचणीत आणण्याची शक्यता आहे. आयपीएल आणि यूपी टी२० लीगमध्ये दमदार कामगिरी केल्यानंतर, भुवीची आंतरराष्ट्रीय संघात निवड करण्यात यावी, अशी मागणी करण्यात आली. आता त्याला आंतरराष्ट्रीय क्रिकेटमध्ये स्वतःला पुन्हा सिद्ध करण्याची संधी मिळाली आहे.
