गुरुवार, 22 ऑक्टोबर 2026
फोटो सौजन्य - सोशल मिडिया
India vs South Africa : भारत आणि दक्षिण आफ्रिका यांच्यामध्ये तीन सामन्याच्या मालिकेचा आज तिसरा सामना खेळवला जाणार आहे. दुसऱ्या सामन्यामध्ये भारताच्या संघाने दमदार फलंदाजी केली होती आणि 358 धावा करुनही भारताच्या संघाला पराभवाचा सामना करावा लागला होता त्याचे कारण म्हणजेच भारतामध्ये संध्याकाळी येणारी दव. भारत आणि दक्षिण आफ्रिका यांच्यातील सुरू असलेल्या एकदिवसीय मालिकेत दव पडल्याने महत्त्वाची भूमिका बजावली आहे.
रांचीनंतर रायपूरमध्येही जोरदार दव पडला, ज्यामुळे दक्षिण आफ्रिकेला 359 धावांचे लक्ष्य तुलनेने सहजतेने गाठता आले. दव पडल्यामुळे भारतीय गोलंदाज पूर्णपणे निष्प्रभ ठरले. म्हणूनच भारतीय संघाचे सहाय्यक प्रशिक्षक रायन टेन डोइशेटे यांनी भारतातील एकदिवसीय सामन्यांच्या वेळेत बदल करण्याची मागणी केली आहे. डोइशेटे म्हणतात की सामना दोन तास आधी सुरू केल्यास सामना अधिक समान होईल.
#TeamIndia started strong in Ranchi, but Raipur saw South Africa’s comeback! 👊 With the series locked at 1-1, Vizag awaits a thrilling decider! 🔥#INDvSA 3rd ODI 👉 SAT, 6th DEC, 12:30 PM! pic.twitter.com/tEEdEsIRve — Star Sports (@StarSportsIndia) December 6, 2025
दक्षिण आफ्रिकेविरुद्धच्या तिसऱ्या एकदिवसीय सामन्याच्या एक दिवस आधी पत्रकार परिषदेत बोलताना रायन टेन डोइशेट म्हणाले, “दुसरा डाव सुरू होताच दव पडू लागतो. जर सामना वेगळ्या वेळी खेळवला गेला तर कदाचित दवाचा परिणाम कमी करता येईल. जर तुम्ही सामना दोन तास आधी सुरू केला तर तो एक उपाय असू शकतो.” खरं तर, दव पडल्याने चेंडू खूप ओला होतो. त्यामुळे गोलंदाजांना चेंडू पकडणे कठीण होते. चेंडू त्यांच्या हातातून बराचसा घसरतो. शिवाय, ओला चेंडू बॅटवर अधिक सहज आणि जलद येतो, ज्यामुळे धावा करणे सोपे होते.
भारत आणि दक्षिण आफ्रिका यांच्यातील तिसरा एकदिवसीय सामना विशाखापट्टणम येथील एसीए-व्हीडीसीए क्रिकेट स्टेडियमवर खेळला जाणार आहे. हे मैदान टीम इंडियासाठी खूप भाग्यवान राहिले आहे. आतापर्यंत येथे खेळल्या गेलेल्या १० सामन्यांपैकी भारतीय संघाने सात जिंकले आहेत आणि फक्त दोनच गमावले आहेत.
तथापि, विझागमध्ये नाणेफेक महत्त्वाची भूमिका बजावू शकते. या मैदानावर पाठलाग करणाऱ्या संघांचा रेकॉर्ड उल्लेखनीय आहे. २० पैकी १५ सामने प्रथम गोलंदाजी करणाऱ्या संघाने जिंकले आहेत. आता, जर त्यांना तिसऱ्या एकदिवसीय सामन्यात प्रथम गोलंदाजी करायची असेल तर कर्णधार केएल राहुलला नाणेफेक जिंकावी लागेल.
