रविवार, 18 ऑक्टोबर 2026
IND Vs ZIM : भारताचं दमदार कमबॅक, मालिका जिंकण्यासाठी 103 धावांचं आव्हान, सौजन्य : आयएएनएस
रायपूरच्या शहीर वीर नारायण सिंह इंटरनॅशन स्टेडियम येथे सुरू असलेल्या तीन टी-20 सामन्यांच्या मालिकेतील दुसऱ्या सामन्यात झिम्बॉब्वेच्या महिला संघाने प्रथम फलंदाजी करत भारतासमोर 8 बाद 103 धावांचे आव्हान दिले आहे. या सामन्यात भारतीय महिला संघाची गोलंदाजी सर्वोत्कृष्ट ठरली. सामन्यातील पहिल्या बॉलपासून क्रिकेटर्सने सामन्यावर आपली पकड निर्माण केली होती.
झिम्बॉब्वेने पहिल्या सामन्यात सुरुवातीपासून आक्रमक भूमिका घेतली होती. दुसऱ्या सामन्यात टॉस जिंकून त्यांनी तशीच काहीशी कामगिरी करण्याच्या हेतूने प्रथम फलंदाजीचा निर्णय घेतला, पण मागील सामन्यात 42 धावांची कामगिरी करणारी केलीस एनधलोवू या सामन्यात भोपळाही फोडू शकली नाही. नंदनी शर्माने त्रिफळाचीत करत चौथ्याच षटकात झिम्बॉब्वेला जबर धक्का दिला.
त्याच्या दोन ओव्हर्सनंतर दीप्ति शर्माने बिलव्हड बिझा (7) हरमनप्रीत कौरकरवी झेलबाद करत तिलाही पॉव्हेलियनचा रस्ता दाखवला. तसेच पहिल्या सामन्यात 43 धावा करणारी शेरन मेयर्स या सामन्यात फक्त 9 धावांचे योगदान देऊ शकली. क्रांती गौडची ती शिकार ठरली. मधल्या काळात चिपो मुग्री टिरीपानो व कर्णधार जोसेफिन कोमो (नाबाद 27) यांनी चौथ्या विकेटसाठी 45 धावांची भागीदारी रचत संघाचा डाव सावरला.
निकी प्रसादने यष्टीमागे रिचा घोषकरवी चिपोला बाद केले. चिपोने 5 चौकारासह 34 धावा केल्या. त्यानंतर आलेल्या न्यासा ग्वान्झुरूला निकीने त्रिफळाचीत करत तिला आपले खातेही खोलू दिले नाही. भारताकडून निकीने 2 ओव्हर्समध्ये 7 धावा देत 2 गडी बाद केले.
भारतीय महिला संघ : स्मृति मंधाना (कर्णधार), शेफाली वर्मा, अनुष्का शर्मा, हरमनप्रीत कौर, निकी प्रसाद, दीप्ति शर्मा, ऋचा घोष (विकेटकीपर), अरुंधति रेड्डी, श्री चरणी, नंदनी शर्मा आणि क्रांति गौड.
झिम्बॉब्वे महिला संघ : केलिस नधलोवु, बिलव्ड बिजा, मोडेस्टर मुपाचिक्वा (विकेटकीपर), शार्न मेयर्स, न्याशा ग्वानज़ुरा, मिशेल मावुंगा, चिपो मुगेरी-तिरिपानो, फ्रांसिस्का चिपारे, जोसेफिन नकोमो (कर्णधार), ओलिंडर चारे आणि तेंडाई मकुशा.
