Rahul Dravid | Ajit AgarkarSakal : टीम इंडिया संघ सध्या T-२० वर्ल्ड कप २०२४ साठी अमेरिकेला गेलेला आहे. भारताचे सुरुवातीचे सामने न्यूयॉर्कमध्ये आहेत. त्यामुळे भारतीय संघ सध्या न्यूयॉर्कमध्ये थांबलेला आहे. याचदरम्यान एक फोटो व्हायरल होत आहे. व्हायरल होत असलेल्या फोटोमध्ये भारतीय संघाचा मुख्य प्रशिक्षक राहुल द्रविड आणि निवड समिती अध्यक्ष अजित आगरकर यांनी कोलंबिया युनिवर्सिटीला भेट दिल्याचे दिसत असून, तिथे असलेल्या डॉ. बाबासाहेब आंबेडकर यांच्या पुतळ्यासमोर उभे राहत फोटो काढल्याचे दिसत आहे.
विशाल मिश्रा नावाच्या युझरने पोस्ट
दरम्यान, हे फोटो एक्स या सोशल मिडिया प्लॅटफॉर्मवर विशाल मिश्रा नावाच्या युझरने पोस्ट केले असून त्यात त्याने लिहिले आहे की द्रविड आणि आगरकर यांनी भारतीय संविधानाचे शिल्पकार डॉ. बाबासाहेब आंबेडकर यांना कोलंबिया युनिवर्सिटीमध्ये अभिवादन केले.
लक्षात घेण्यासारखी गोष्ट अशी की, सध्या अजित आगरकरही टी२० वर्ल्ड कपदरम्यान न्यूयॉर्कमध्ये आलेला आहे. तसेच द्रविडसाठी यंदाची टी२० वर्ल्ड कप स्पर्धा ही भारतीय संघाचा मुख्य प्रशिक्षक म्हणून शेवटची स्पर्धा आहे. त्याचा कार्यकाळ जून २०२४ मध्ये संपणार आहे.
यानंतर त्याने पुन्हा भारतीय संघाचा प्रशिक्षक म्हणून अर्ज केलेला नसल्याचेही त्याने स्पष्ट केले होते. त्यामुळे आता जून २०२४ नंतर भारतीय क्रिकेट संघाला नवा प्रशिक्षक मिळणार आहे.
Web Title: Indian team head coach and coach rahul dravid and agarkar at ambedkar university salutations to statue nryb
.png "Videos"){kind=small}
