मंगळवार, 20 ऑक्टोबर 2026
फिन ॲलन Out की Not Out? दिग्वेश राठीच्या कॅचच्या Video ने सोशल मीडियावर नवा वाद (Photo Credit- X)
लखनौ सुपरजायंट्सकडून प्रिन्स यादव गोलंदाजी करत असताना फिन ॲलनने मोठा फटका मारला. सीमारेषेवर दिग्वेश राठीने एक अप्रतिम झेल टिपला. मात्र, हा झेल पकडताना दिग्वेशचा पाय बाउंड्री लाईनला स्पर्श करत असल्याचे रिप्लेमध्ये स्पष्टपणे जाणवत होते. आश्चर्याची बाब म्हणजे, मैदानी अंपायरने याबाबत तिसऱ्या अंपायरची मदत न घेता थेट ॲलनला बाद ठरवले.
SKIED… AND TAKEN ON THE FENCE! 😱 Top edge from Allen, & Rathi pulls off a sharp catch at deep third 👏#TATAIPL 2026 | #KKRvLSG | LIVE NOW 👉 https://t.co/2ISFQDaiMT pic.twitter.com/kHnYWXKSh6 — Star Sports (@StarSportsIndia) April 9, 2026
या निर्णयानंतर सोशल मीडियावर संताप व्यक्त केला जात आहे. विशेष म्हणजे, आदल्या दिवशी डेव्हिड मिलरच्या एका शॉटचा रिप्ले न दाखवता त्याला चौकार देण्यात आला होता, त्या वादाची वारा वाहतो की नाही वाहतो तोच फिन ॲलनसोबत ‘बेईमानी’ झाल्याचा आरोप फॅन्स करत आहेत.
अंपायरचा निर्णय वादग्रस्त वाटत असतानाही कोलकाता नाईट रायडर्सच्या संघ व्यवस्थापनाकडून आणि फलंदाजाकडून ‘डीआरएस’ (DRS) घेण्याबाबत हालचाल झाली नाही. मैदानात अंपायरने दिलेला निर्णय बदलण्यासाठी केकेआरकडे रिव्ह्यूचा पर्याय उपलब्ध होता, मात्र तो न वापरल्याने आता संघाच्या रणनीतीवरही टीका होत आहे. तांत्रिक चुका आणि अंपायरचा अविश्वासू निर्णय यामुळे केकेआरला महत्त्वपूर्ण विकेट गमवावी लागली.
न्यूझीलंडचा स्फोटक फलंदाज फिन ॲलनला केकेआरने 2 कोटींच्या बोलीवर संघात स्थान दिले होते. टी-20 विश्वचषकात वादळी फलंदाजी करणाऱ्या ॲलनला आयपीएलमध्ये मात्र अद्याप सूर गवसलेला नाही. आतापर्यंतच्या 4 सामन्यांत त्याने केवळ 80 धावा केल्या आहेत. केकेआरच्या ताफ्यात टिम सीफर्टसारखा अनुभवी आणि आक्रमक फलंदाज बेंचवर बसून आहे. त्यामुळे सलग पराभवांनंतर केकेआर व्यवस्थापन फलंदाजीच्या क्रमवारीत बदल करून सीफर्टला संधी देण्याची दाट शक्यता वर्तवली जात आहे. सध्या गुणतालिकेत केकेआरची अवस्था बिकट असून त्यांना पुनरागमनासाठी एका मोठ्या विजयाची प्रतीक्षा आहे.
IPL मध्ये पुन्हा Fixing चे भूत? गुजरातविरुद्ध दिल्ली मुद्दाम हरली? आरोपांमागचं नेमकं सत्य काय?
