मंगळवार, 20 ऑक्टोबर 2026
फोटो सौजन्य - सोशल मिडिया
आयपीएल 2026 चे चर्चा सध्या मोठ्या प्रमाणात सुरु आहे, अनेक रिटेन खेळाडू मालामाल झाले आहेत तर काही खेळाडू हे ट्रेड करण्यात आले आहेत. आरसीबीने आयपीएल 2025 मध्ये बाजी मारली पण त्यानंतर त्याच्यासाठी हे वर्ष फार काही चांगले राहिले नाही. त्यांना चेंगराचेंगरी प्रकरणामध्ये मोठे नुकसान सहन करावे लागले. सोशल मिडियावर यासंदर्भात मोठी चर्चा देखील पाहायला मिळाली होती. रिटेंशन झालेल्या खेळाडूंमध्ये आता संजू सॅमसन याने त्याचा जुना संघ राजस्थान राॅयल्सचा संघ सोडला आहे.
आयपीएल २०२६ च्या लिलावापूर्वी रॉयल चॅलेंजर्स बंगळुरू विकल्याच्या अफवा पसरत होत्या. आता या यादीत आणखी एक संघ जोडला गेला आहे. इंडियन प्रीमियर लीगच्या पहिल्या हंगामाचे विजेते राजस्थान रॉयल्सचे मालक यांनीही संघ विकण्याचा निर्णय घेतल्याचे वृत्त आहे. पुढील हंगाम सुरू होण्यापूर्वी दोन्ही संघ मोठ्या रकमेत विकले गेले तर आश्चर्य वाटणार नाही.
एलएसजी संघाचे मालक संजीव गोयंका यांचे भाऊ हर्ष गोयंका यांनी एक महत्त्वाचा खुलासा केला. त्यांनी खुलासा केला की, आरसीबीप्रमाणेच राजस्थान रॉयल्स देखील नवीन खरेदीदाराच्या शोधात आहे. ते म्हणाले, “मी ऐकले आहे की एक नाही तर दोन संघ, आरसीबी आणि आरआर, विक्रीसाठी आहेत.”
हर्ष गोएंका पुढे म्हणाले, “संघाच्या सध्याच्या मूल्यांकनानुसार त्यांना मोठी रक्कम हवी आहे हे स्पष्ट आहे. म्हणूनच दोन्ही संघ विक्रीसाठी आहेत आणि चार किंवा पाच दावेदार आहेत. या संघांना खरेदी करण्यात कोण यशस्वी होईल? त्यांचे दावेदार पुणे, अहमदाबाद, मुंबई, बेंगळुरू किंवा अमेरिकेतील असतील का?” संजू सॅमसनचे राजस्थान रॉयल्सशी वेगळे नाते होते. तथापि, आयपीएल २०२६ च्या लिलावापूर्वी, त्याने आरआर सोडले आणि तो सीएसकेमध्ये विकला गेला.
I hear, not one, but two IPL teams are now up for sale- RCB and RR. It seems clear that people want to cash in the rich valuations today. So two teams for sale and 4/5 possible buyers! Who will be the successful buyers- will it be from Pune, Ahmedabad, Mumbai, Bengaluru or USA? — Harsh Goenka (@hvgoenka) November 27, 2025
राजस्थान रॉयल्सने रवींद्र जडेजा आणि सॅम करन यांना बदल्यात घेतले, परंतु संजू सॅमसनच्या जाण्याने चाहत्यांना खूप निराशा झाली. गेल्या काही वर्षांत, आरआरच्या माजी खेळाडूंनी असे म्हटले आहे की सध्याचे व्यवस्थापन खेळाडूंना खूप चांगले वागवते. आर अश्विननेही याबद्दल उघडपणे सांगितले आहे की, आरआर हे त्याने आतापर्यंत काम केलेल्या व्यवस्थापनांपैकी सर्वोत्तम व्यवस्थापन आहे. त्यामुळे, जर आरआर विकले गेले तर व्यवस्थापन बदलेल. चाहत्यांसाठी हा धक्का असेल.
